Seohyun សមាជិកក្រុមចម្រៀង Girls’Generation បានធ្វើឱ្យអ្នកគាំទ្រនិងសាធារណជនមានការភ្ញាក់ផ្អើលខ្លាំងដោយសារតែស្ទីលយ៍ថតលើកជើងដាក់លើស្មាដៃគូសម្ដែងរបស់ខ្លួនគឺ Lee Jung Young (U-Kiss’s Jun)។
នៅថ្ងៃទី១៧ ខែមករា Netflix បានបញ្ចេញវីដេអូផ្សព្វផ្សាយរឿងថ្មី «Love and Leashes» ដែលជារឿងថតតាម Webtoon ដ៏ល្បីល្បាញប្រើប្រាស់ឈ្មោះដូចគ្នានេះដែរ។ រឿងនេះនិយាយពីទំនាក់ទំនងរវាងបុរសដែលមានរសនិយមប្លែកនិងស្ត្រីម្នាក់ដែលដឹងពីអាថ៌កំបាំងរបស់បុរសរូបនោះ។
បន្ទាប់ពី teasure និង poster បានបញ្ចេញឱ្យគាំទ្របានទស្សនាហើយនោះ ហ្វេនរបស់ក្រុមចម្រៀង SNSD និងសាធារណជនមានការភ្ញាក់ផ្អើលយ៉ាងខ្លាំង ហើយថែមទាំងកោតសរសើរចំពោះ Seohyun ដែលបានផ្លាស់ប្ដូររូបភាពទាំងស្រុង ពីរូបភាពជាក្មេងស្រីដែលហ្វេនៗធ្លាប់តែឃើញកន្លងមកតាមរយៈការសម្ដែងជាតួអង្គ Jung Ji woo ស្ត្រីម្នាក់ដែលមានទំនាក់ទំនងជាមួយនឹងបុគ្គលិករួមការងារក្នុងក្រុមហ៊ុនតែមួយ ក្រោយពីបានដឹងពីអាថ៌កំបាំងរបស់បុរសរូបនោះ។
ចំណែក Jung Young សម្ដែងជាតួអង្គ Jung Ji Hoo បុរសម្នាក់ដែលមានប្រជាប្រិយភាពខ្លាំងក្នុងចំណោមមិត្តក្នុងការិយាល័យធ្វើការូចគ្នាប៉ុន្តែមានលាក់បង្កប់ដោយអាថ៌កំបាំងដែលធ្វើឱ្យអ្នកណាដឹងហើយចាំបាច់ត្រូវភ្ញាក់ផ្អើល។
