Por Thrisadee អតីតតារាសម្ដែងល្បីនៃស្ថានីយទូរទស្សន៍ CH3 បានទទួលមរណ.ភាពរយៈពេល៦ឆ្នាំហើយ។ រាល់ៗឆ្នាំឱ្យតែដល់ថ្ងៃបុណ្យខួបមរណភាពកូនស្រីបណ្ដូលចិត្ត Mali តែងតែមានទឹកភ្នែកជានិច្ចពេលទៅគោរពផ្នូរលោកឪពុក ប៉ុន្តែឈានចូលដល់ឆ្នាំទី៦នេះ កូនស្រីរបស់លោកមិនបានសម្រក់ទឹកភ្នែកដូចជាពេលមុនៗទៀតឡើយ។
យោងតាមការបង្ហោះរបស់ភរិយារបស់តារាសម្ដែងរូបនេះបានបង្ហោះចែករំលែកដល់អ្នកគាំទ្រឱ្យបានដឹងថាក្រុមគ្រួសារខ្លួនបានទៅធ្វើបុណ្យខួបមរណភាពជូនដល់អតីតតារាសម្ដែង Por ដូចរាល់ៗឆ្នាំ។ អ្នកស្រីបានសរសេរសំណេរថា «៦ឆ្នាំហើយ គ្រប់យ៉ាងនៅដូចមុន អនុស្សាវរីយ៍ដ៏សែនពិសេស ស្រលាញ់ Por ណាស់»។
ក្រៅពីនោះអ្នកស្រីក៏បានបង្ហោះរូបកូនស្រីព្រមទាំងសំណេរបន្ថែមទៀតថា «៦ឆ្នាំហើយលោកប៉ា ឆ្នាំនេះកូនស្រីមិនយំទៀតទេ មានតែស្នាមញញឹមសម្រាប់លោកប៉ា ស្រលាញ់លោកប៉ាណាស់»។
ចង់ដឹងបរិយាកាសទាំងមូលយ៉ាងនោះសូមតាមដានរូបភាពខាងក្រោមនេះ៖
