ប្រិយមិត្តដែលបានតាមដានសារព័ត៌មានត្រយងប្រាកដជាបានដឹងហើយថាឈុតប្រពៃណីជាតិខ្មែរដែលកញ្ញា Jimmy Meng បានបង្ហោះថាទៅលេងសមុទ្រនោះមានទាំងការសរសើរនិងការរិះគន់។ យ៉ាងណាមិញពេលនេះកញ្ញាបានចេញមកបង្ហាញភស្ថុតាងសំខាន់មួយដែលហាក់ដូចជាយកដំបងមកសំពងក្បាលចំពោះអ្នករិះគន់កញ្ញាយ៉ាងដូច្នោះដែរ។
សូមចុចអាន ឈុតទៅលេងសមុទ្រ ៤សន្លឹករបស់ ជីមមី ធ្វើឱ្យអ្នកលេងបណ្ដាញសង្គមវែកញែកមិនឈប់
ពិធីការិនីពេញទៅដោយសមត្ថភាពរូបនេះមិនបានឆ្លើយតបចំពោះអ្នករិះគន់កញ្ញា ដូចបុគ្គលល្បីលើអ៊ិនធឺណិតមួយចំនួនដែលតែងតែចេញមកតបតចំពោះអ្នករិះគន់ដោយ ជេរបញ្ចោរ ឬគម្រាមប្ដឹងនោះទេ ប៉ុន្តែកញ្ញាបានប្រើវិធីថ្លៃថ្នូរបំផុតដោយគ្រាន់តែចេញមកបង្ហោះរូបថតនិងសំណេរ ដែលធ្វើឱ្យអ្នករិះគន់អ្នកនាងអាចនឹងក្អួតឈាមបាន។
«យប់ទី3 បិទបញ្ចប់យ៉ាងជោគជ័យនៃកម្មវិធីទេសចរណ៍អាស៊ាន 2022 | ASEAN Tourism Forum 2022 | ATF 2022 Cambodia ដែលកម្ពុជាធ្វើជាម្ចាស់ផ្ទះ និង មានការចូលរួមពីគណៈប្រតិភូអាស៊ាន អង្គទូតនានា ភ្ញៀវជាតិ និងអន្តរជាតិទាំង 10 ប្រទេសចូលរួមនាខេត្តព្រះសីហនុ តំបន់ឆ្នេរស្អាតដាច់គេលើលោក។ យើងខ្ញុំមានកិត្តិយសយ៉ាងក្រៃលែងដែលបានទទួលតួនាទីជាពិធីករ និង ពិធីការិនីក្នុងកម្មវិធីជាតិដ៏អស្ចារ្យនេះ ។ 
កម្មវិធីជាតិនៅលើឆ្នេរសមុទ្រស្លៀកសំលៀកបំពាក់ដូចនាងខ្ញុំសមរម្យទេបងប្អូន?ឈុតដ៏ស្រស់ស្អាតបានមកពី Jimmy Meng Shop»
សំណេរខាងលើភ្ជាប់អមវត្តមានរដ្ឋមន្ត្រីក្រសួងទេសចរណ៍ឯកឧត្តម ថោង ខុន និងឯកឧត្តម គួច ចំរើន អភិបាលនៃគណៈអភិបាលខេត្តព្រះសីហុន ពិតជាមានអត្ថន័យនិងខ្លឹមសារគ្រប់គ្រាន់ ធ្វើឱ្យអ្នកដែលបោះសំដីរិះគន់ដល់កញ្ញា បានភ្លឺភ្នែក និងដឹងថាហេតុអ្វីកញ្ញាត្រូវស្លៀកឈុតបែបនេះនៅឆ្នេរសមុទ្រ។
អ្នកគាំទ្រដែលស្រលាញ់ចូលចិត្តកញ្ញា Jimmy Meng មិនត្រឹមតែលើកគ្នាចូលមក Comment គាំទ្រ នោះទេថែមទាំងឆ្លៀតឌឺដងផ្លែផ្កាទៅឱ្យអ្នកដែលនាំគ្នា Share, Comment បែបមិនដឹងទិសតំបន់ផងដែរ៕
