ល្ខោនស្នេហ៍បែកបាក់ចែកផ្លូវគ្នារបស់អតីតតារាសម្ដែង ស៊ុក សុភា ត្រូវបានបញ្ចប់ត្រឹមនេះហើយ ដែលនៅពេលថ្មីៗនេះ លោក ស៊ុក សុភា បានបង្ហោះសារ និងរូបភាពស្ដែងឱ្យឃើញថា លោក នឹងភរិយា បានវិលមកត្រូវគ្នាដូចដើមវិញ។ តើចំណងស្នេហាប្រះឆារវាងលោក ស៊ុក សុភា និងភរិយា គ្រាន់តែជាល្ខោនសម្ដែងឱ្យមហាជនចាប់អារម្មណ៍នៅលើបណ្ដាញសង្គម ឬយ៉ាងណា?
ចាប់តាំងពីថ្ងៃដែលភរិយារបស់លោក ស៊ុក សុភា បានបង្ហោះប្រកាសលើហ្វេសប៊ុកជាសាធារណៈ បង្ហាញឱ្យមហាជនឃើញថា ចំណងអាពាហ៍ពិពាហ៍របស់អ្នកទាំងពីរបានកាត់ផ្ដាច់ហើយនោះ គេមិនដែលឃើញមានការបកស្រាយច្បាស់លាស់ណាមួយចេញពីសម្ដីពិតរបស់អតីតតារាប្រុសរូបនេះទាល់តែសោះ ពោលគឺលោកមិនផ្ដល់បទសម្ភាសន៍ឱ្យអ្នកសារព័ត៌មាន។ លុះក្រោយមកទៀត ភរិយាលោករមែងបង្ហោះៗជារឿយៗពីសកម្មភាព និងពាក្យសម្ដីឌឺដងផ្លែផ្កាដែលបញ្ជាក់ឱ្យគេគ្រប់គ្នាដឹងថា ការចែកផ្លូវគ្នានេះជារឿងពិត មិនមែនសម្ដែងយកការទាក់ទាញចំណាប់អារម្មណ៍នៅលើបណ្ដាញសង្គមនោះឡើយ។
កាលពីថ្ងៃថ្ងៃទី២៦ខែសីហាឆ្នាំ២០២១ វេលាម៉ោង១២ អ្នកនាង សារីណា ជាភរិយាលោក ស៊ុក សុភា បានចេញមកបង្ហោះសំណេរខ្លី ដែលមានន័យបញ្ជាក់យ៉ាងច្បាស់ថា រវាងអ្នកនាង និងអតីតតារាប្រុសរូបនេះ បានផ្ដាច់ចំណងអាពាហ៍ពិពាហ៍ជាមួយគ្នារួចរាល់ហើយ ដូច្នេះរវាងអ្នកទាំងពីរមិនមានជាប់ពាក់ព័ន្ធអ្វីនឹងគ្នាទៀតនោះទេ ម្នាក់ៗមានសិទ្ធិរៀងៗខ្លួន។ អ្នកនាងរៀបរាប់ថា ««សុំជូនដំណឹងដល់បងប្អូនទាំងអស់គ្នា អោយបានដឹងថា៖ ខ្ញុំនិង ស៊ុក សុភា លែងលះគ្នាហើយ ដូច្នេះចាប់ពីថ្ងៃនេះទៅ គាត់ធ្វើអ្វីជាសិទ្ធរបស់គាត់ រីឯខ្ញុំក៏ជាសិទ្ធរបស់ខ្ញុំ។មូលហេតុ សុំមិនបកស្រាយ មានតែពាក្យថា ឆ្អែត!»។
ចុចអានព័ត៌មាននេះ៖ ក្ដៅៗ! ភរិយា អតីតតារាសម្ដែងល្បី លោក ស៊ុក សុភា ប្រកាសលែងលះគ្នា
បន្តមកទៀត គេឃើញលោក ស៊ុក សុភា មិនបង្ហោះអ្វីទាំងអស់ ស្រាប់លេចមុខនៅលើទឹកដីកម្ពុជាវិញ ដែលជាប្រទេសកំណើត ។ លុះដល់ចុងខែ វិច្ឆិកា ឆ្នាំ២០២១ លោក ស៊ុក សុភា បង្ហោះរូបភាពមួយសន្លឹកប្រកាសប្រាប់មហាជនថា លោកនឹងវិលត្រឡប់ទៅអូស្ត្រាលីវិញ បន្ទាប់ពីលោកមកកម្ពុជាអស់រយៈជាង១ខែហើយ។ ក៏ប៉ុន្ដែខាងភាគីភរិយាលោកឯណោះវិញ ក៏អះអាងថា «បិទទ្វារលែងទទួលហើយដូរកូនសោរចោលឱ្យអស់ទៀត! ហាមចូលផ្ទះខ្ញុំ ពេលខ្ញុំមិននៅ ទាន់?»។ តែមហាជនមួយចំនួនដូចជាមិនជឿចំពោះការបង្ហោះរបស់អ្នកទាំងពីរឡើយ ចេះតែសង្ស័យថា ប្រហែលជាត្រូវគ្នាវិញហើយទេ?
ចុចអានព័ត៌មាននេះ៖ ស៊ុក សុភា ហោះទៅ អូស្ត្រាលីវិញ តែអតីតភរិយាថា៖ «បិទទ្វារលែងទទួលហើយដូរកូនសោរចោលឱ្យអស់»
រហូតមកដល់យប់ថ្ងៃទី២១ខែ មករា ឆ្នាំ២០២២នេះ គេស្រាប់តែឃើញ លោក ស៊ុក សុភា បង្ហោះរូបភាពថ្មីបញ្ជាក់ឱ្យឃើញថា លោក និងភរិយា វិលត្រឡប់មកត្រូវគ្នាវិញហើយ។ ពិតដូចការសង្ស័យមែន លោក ស៊ុក សុភា រៀបរាប់ថា «ខលវីដេអូជាមួយប្រពន្ធខ្លះកុំអោយភ្លេចមុខ ប្រពន្ធខ្ញុំពេលប្ដីខលនិយាយម្ដងៗ បិទមាត់មិនជិតទេ
»។
យ៉ាងណាមិញ គេមើលឃើញថា មានមហាជនមួយចំនួនបង្ហាញអារម្មណ៍រីករាយ ដែលលោកគ្រួសារ លោក ស៊ុក សុភា វិលត្រឡប់មកល្អនឹងគ្នាវិញ តែក៏មិនមហាជនមួយចំនួនទៀតរំភើបនិងផ្ដាំថា «ទោះបីធ្លាប់ឆ្លងកាត់នូវរឿងរ៉ាវបាក់់បែកចែកផ្វូវគ្នាហើយរួចក៏ត្រូវរ៉ូវគ្នាវិញគឺជាកាដែលល្អបំផុតដែលidolអាចធ្វើបានសូមសរសើរដោយស្មោះ
»៕
