ក្លិបបាល់ទាត់បិសាចក្រហម Man United បានដករូបភាព និងទំនិញទាំងអស់ឲ្យតែទាក់ទងជាមួយ Greenwood ចេញពីវេបសាយផ្លូវការរបស់ក្លិប ក្រោយផ្ទុះរឿងរ៉ាវហិង្សាទៅលើមិត្តស្រី Harriet Robson កាលពីថៃ្ងអាទិត្យកន្លងទៅ។
រឿងហេតុកើតឡើងនៅថ្ងៃទី៣០ ខែមករា ឆ្នាំ២០២២ នៅពេលដែលម្ចាស់គណនី Instagram ឈ្មោះថា Hasrobson មិត្តស្រីរបស់ខ្សែរប្រយុទ្ធ Mason Greenwood បានបង្ហោះរូបភាព និងវីដេអូ៖ អំពីស្នាមជាំលើដងខ្លួន ព្រមទាំងមានឈាមហូរតាមមាត់ទៀតផង ដោយបញ្ជាក់ច្បាស់ៗថាជាស្នាដៃរបស់ Greenwood ទាំងអស់។
បច្ចុប្បន្នក្លិប Man United បានចេញសេចក្ដីថ្លែងការណ៍ ជុំវិញបញ្ហាដូចខាងលើថា៖«Mason Greenwood មិនអាចវិលត្រលប់មកហ្វឹកហាត់ ឬលេងការប្រកួតផ្លូវការវិញបានឡើយ ពោលគឺត្រូវរង់ចាំរហូតដល់មានការជូនដំណឹងបន្ថែមទៀត»។ ខណ:ក្រុមហ៊ុនលក់សម្ភារកីឡា Nike និង TeamViwer ក៏បានធ្វើការផ្អាកការផ្សព្វផ្សាយជាមួយ Greenwood បណ្តោះអាសន្នផងដែរ៕
