នៅក្នុងឱកាសដែលភាពយន្តថ្មី «Conversation with Friends» ស្ដីពីបុរសរៀបការលួចមានសាហាយជាមួយសិស្សស្រីកំពុងសម្រុកផ្សព្វផ្សាយ (Promote) សង្សារតារាចម្រៀងល្បី Taylor Swift លោក Joe Alwyn បានថ្លែងទម្លាយពីអារម្មណ៍ពិតរបស់ខ្លួនក្រោយសេពគប់គ្នាបែប Private រយៈពេល៥ឆ្នាំ។
លោក Joe បានពោលថា «មនុស្សយើងអាចធ្វើអ្វីក៏បានឱ្យតែពួកគេចង់ ហើយធ្វើឱ្យពួកគេរីករាយ។ ខ្ញុំផ្ទាល់រីករាយនឹងទំនាក់ទំនងបែបស្មោះមួយនិងមួយ។ប៉ុន្តែទំនាក់ទំនងបែបបើកចំហមើលទៅដូចជាហត់ពេកហើយ។»
Taylor និង Joe បានចាប់ផ្ដើមស្គាល់និងសាងទំនាក់ទំនងជាមួយក្នាចាប់តាំងពីខែឧសភាឆ្នាំ២០១៧ ប៉ុន្តែចាប់តាំងពីសេពគប់គ្នានិងស្រលាញ់គ្នាមកគូស្នេហ៍តារាល្បីហាក់រក្សាទំនាក់ទំនងបែប Private មិនសូវជាបង្ហាញជាសាធារណៈនោះឡើយ។
ទោះជារក្សាស្នេហាបែបអាថ៌កំបាំង ប៉ុន្តែប្រភពជិតស្និទ្ធបានបង្ហើបឱ្យដឹងថាគូស្នេហាដែលស្រលាញ់គ្នាចាក់ទឹកមិនលិចមួយគូនេះបានចាប់ផ្ដើមសម្លឹងមើលអនាគតនិងជជែកគ្នាពីរឿងអាពាហ៍ពិពាហ៍ហើយ។
មានលេចចេញនូវពាក្យចចាមអារាមថាបុរសជាគូស្នេហ៍រូបនេះគឺជាកម្លាំងស្នូលដែលជំរុញឱ្យ Taylor និពន្ធបទចម្រៀងពាក់ព័ន្ធនឹងប្រទេសអង់គ្លេសព្រោះគូស្នេហ៍របស់ខ្លួនជាបុរសអង់គ្លេសដូចជាបទ «London Boy» និង «Cornelia Street» ជាដើម៕
ប្រភព៖ newsworldupdate