យោងតាមការបញ្ជាក់របស់នាយកប្រតិបត្តិនៃក្រុមហ៊ុនលីគបាល់ទាត់កម្ពុជា លោក Satoshi Saito នាព្រឹកថ្ងៃទី១០ ខែកុម្ភ: ឆ្នាំ២០២២ នៅសណ្ឋាគារ Emion Hotel បានឲ្យដឹងថា៖«ការប្រកួតពានរង្វាន់ Cambodian Super Cup មុនបើករដូវកាលថ្មី នឹងចាប់ផ្តើមនៅថ្ងៃទី០១ ខែមីនា ឆ្នាំ២០២២ ខាងមុខ»។
ក្រុមទាំង២ចូលរួមដណ្តើមពានរង្វាន់នេះ បានមកពីក្រុមជើងឯកលីគកំពូលកម្ពុជាឆ្នាំ២០២១ ភ្នំពេញក្រោន និងត្រូវប្រកួតជាមួយ ក្រុមជើងឯកពានសម្តេចតេជោឆ្នាំ២០២១ វិសាខា។ ចំណែកទីលាន ពេលវេលា និងការផ្សាយផ្ទាល់ ក្រុមហ៊ុន Cambodian Premier League នឹងជូនដំណឹងជាបន្តបន្ទាប់ទៀត។