លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា បានផ្ញើសារជូនអ្នកគាំទ្រដូច្នេះថា៖ «សង្ឃឹមថានឹងមានអ្នកគាំទ្រច្រើន ចូលរួមទស្សនាការប្រកួត U23 របស់ក្រុមជម្រើសជាតិកម្ពុជានៅពហុកីឡដ្ឋានមរតកតេជោ សម្រាប់ការប្រកួតនៅថ្ងៃស្អែកនេះ។ ខ្ញុំដឹងថាបច្ចុប្បន្នវាមិនមែនជាស្ថានភាពល្អប្រសើរនោះទេ ប៉ុន្តែខ្ញុំក៏ដូចជាកីឡាករទាំងអស់គ្នាពិតជាត្រូវការអ្នកទាំងអស់គ្នា»។
កម្ពុជា ស្ថិតនៅពូល A ជាមួយក្រុមទីម័រខាងកើត, ហ្វីលីពីន និងប្រ៊ុយណេ ដោយប្រកួតនៅទីលានពហុកីឡដ្ឋានជាតិមរតតេជោ ខណៈពូល B មានម៉ាឡេស៊ី មីយ៉ាន់ម៉ា ឡាវ និងឥណ្ឌូណេស៊ី (ដកខ្លួន) ហើយពូល C មានថៃ វៀតណាម និងសិង្ហបុរី ដោយពូលទាំង២នេះប្រកួតនៅទីលានពហុកីឡដ្ឋានព្រីនស៍ របស់ក្លិបវិសាខា។
គោព្រៃកម្ពុជា នឹងត្រូវប្រកួតបើកឆាកទល់នឹង ប្រ៊ុយណេ នៅថ្ងៃទី១៤ ខែកុម្ភ: ឆ្នាំ២០២២ វេលាម៉ោង ៧:០០យប់ នៅក្នុងពហុកីឡដ្ឋានជាតិមរតកតេជោ៕