សហព័ន្ធកីឡាបាល់ទាត់អាស៊ី (AFC) បានចាប់ឆ្នោតជ្រើសរើសពូលនៃពានរង្វាន់បាល់ទាត់យុវជនក្រោមអាយុ២៣ឆ្នាំប្រចាំទ្វីប AFC U23 Championship 2022 នៅប្រទេសអ៊ូប៊ែគីស្ថាន វគ្គ១៦ក្រុមចុងក្រោយ នៅរសៀលថ្ងៃព្រហស្បត្តិ៍ ទី១៧ ខែកុម្ភៈ ឆ្នាំ២០២២។
អ្វីដែលគួរឱ្យភ្ញាក់ផ្អើលនោះគឺក្រុមពីតំបន់អាស៊ានចំនួន៣ ដែលមានឈ្មោះឡើងដល់ជុំចុងក្រោយនេះ ស្ថិតនៅពូលជាមួយគ្នាជាមួយម្ចាស់ជើងឯកឆ្នាំចាស់កូរ៉េខាងត្បូង ដោយក្នុងនោះមានថៃ វៀតណាម និងម៉ាឡេស៊ី។
អត្ថបទពាក់ព័ន្ធ៖AFC U23៖រកឃើញក្រុមកក់សំបុត្រយន្តហោះទាំង១៥ ទៅប្រទេសអ៊ូបេគីស្ថាន
ប្រទេសអ៊ូប៊ែគីស្ថាន នឹងធ្វើជាម្ចាស់ផ្ទះជុំចុងក្រោយក្នុងពានរង្វាន់កម្រិតយុវជននេះ ចន្លោះពីថ្ងៃទី១ ដល់១៩ ខែមិថុនា ឆ្នាំ២០២២ នៅ៤ទីលាន ក្នុងចំណោម៣ទីក្រុង។ នេះជាលើកទី៥ ហើយដែលពានរង្វាន់នេះបង្កើតឡើងខណៈក្រុមអ៊ីរ៉ង់, ជប៉ុន, អ៊ូបេគីស្ថាន និងកូរ៉េខាងត្បូង ធ្លាប់ឈ្នះជើងឯកម្នាក់១លើក៕