សហព័ន្ធកីឡាបាល់ទាត់ ប្រ៊ុយណេ ប្រកាសជូនដំណឹងពីស្ថានភាពវិជ្ជមានកូវីដ១៩ កីឡាករ២នាក់ក្នុងក្រុម អំឡុងពេលប្រកួតពានរង្វាន់ AFF U23 Championship 2022 នៅរាជធានីភ្នំពេញ កាលពីល្ងាចថ្ងៃទី១៧ ខែកុម្ភ: ឆ្នាំ២០២២ ទល់នឹង ទីម័រខាងកើត។
បច្ចុប្បន្នក្រុមជម្រើសជាតិ ប្រ៊ុយណេ អាយុក្រោម២៣ឆ្នាំអស់ឱកាសនៅក្នុងការឡើងទៅវគ្គបន្តទៀតហើយ ក្រោយឆ្លងកាត់២ប្រកួត ចាញ់ទាំង២ប្រកួត មានសូន្យពិន្ទុ ជំពាក់គ្រាប់បាល់៨គ្រាប់។
ប្រ៊ុយណេ នៅសល់១ប្រកួតចុងក្រោយ ដែលជាការប្រកួតបង្រ្គាប់កិច្ចទល់នឹង ហ្វីលីពីន នៅថ្ងៃអាទិត្យ ទី២០ ខែកុម្ភ: ឆ្នាំ២០២២ នាពហុកីឡដ្ឋានមរតកតេជោ វេលាម៉ោង ៤:០០រសៀល។
តារាងចំណាត់ថ្នាក់បណ្តោះអាសន្នពូល A៖
១) កម្ពុជា មាន៦ពិន្ទុ
២) ទីម័រខាងកើត មាន៤ពិន្ទុ
៣) ហ្វីលីពីន មាន១ពិន្ទុ
៤) ប្រ៊ុយណេ មាន ០ពិន្ទុ៕