ក្រុមបាល់ទាត់ណាហ្គាវើល បានក្លាយជាម្ចាស់ជើងឯកពានរង្វាន់កម្ដៅសាច់ដុំ Cambodia Airways Cup 2022 ក្រោយយកឈ្នះម្ចាស់ផ្ទះបឹងកេត នៅវគ្គផ្ដាច់ព្រ័ត្រ ដោយលទ្ធផល ២ទល់០ នៅរសៀលថ្ងៃសៅរ៍ ទី១៩ ខែកុម្ភៈ ឆ្នាំ២០២២ លើទីលាន Cambodian Airway។
វគ្គផ្ដាច់ព្រ័ត្រនេះរៀបចំឡើងនៅវេលាម៉ោង៣:៣០នាទីរសៀល ខណៈគ្រាប់បាល់ជ័យជម្នះរបស់ណាហ្គាវើល រកបានដោយកីឡាករ Christian Dos Santos និងកីឡាករ ដាវ នីម។
ចំណែកឯក្រុមព្រះខ័នរាជស្វាយរៀង ជាក្រុមចំណាត់ថ្នាក់លេខ៣ ក្រោយយកឈ្នះលើក្រុមអង្គរថាយហ្គឺរ ដោយលទ្ធផល ២ទល់០ នៅថ្ងៃសុក្រ សប្ដាហ៍នេះ។
នេះជាលើកទី២ហើយ ដែលក្រុមបឹងកេត រៀបចំពានរង្វាន់ Cambodia Airways Cup នេះឡើង ខណៈឆ្នាំដំបូង ២០២១ ជើងឯកបានទៅក្រុមអគ្គស្នងការដ្ឋាននគរបាលជាតិ៕
រូបថត៖ Cambodia Airway Stadium