ក្រុមជម្រើសជាតិ សិង្ហបុរី អស់ឱកាសឡើងទៅវគ្គបន្តពានរង្វាន់ AFF U23 Championship 2022 ក្រោយរងបរាជ័យក្រោមថ្វីជើង វៀតណាម ក្នុងលទ្ធផលយ៉ាងអាម៉ាស ៧-០ នៅយប់ថ្ងៃទី១៩ ខែកុម្ភ: ឆ្នាំ២០២២ ក្នុងទីលានកីឡដ្ឋានព្រីនស៍ វគ្គជម្រុះពូល C។
នេះគឺជាចាញ់លើកទី២ របស់ក្រុមជម្រើសជាតិ សិង្ហបុរី អាយុក្រោម២៣ឆ្នាំ បន្ទាប់ការប្រកួតលើកដំបូងរបស់ខ្លួនចាញ់ ថៃ ក្នុងលទ្ធផល ៣-១ កាលពីយប់ថ្ងៃទី១៦ ខែកុម្ភ: ឆ្នាំ២០២២ កន្លងទៅ។
តារាងចំណាត់ថ្នាក់បណ្តោះអាសន្នពូល C៖
១) វៀតណាម មាន៣ពិន្ទុ
២) ថៃ មាន៣ពិន្ទុ
៣) សិង្ហបុរី មាន០ពិន្ទុ។
ខណ:ក្រុមជម្រើសជាតិ ប្រ៊ុយណេ ក៏អស់ឱកាសឡើងទៅវគ្គបន្តដូចគ្នា ក្រោយបរាជ័យ ២ ប្រកួតជាប់ៗគ្នា ប៉ុន្តែ ប្រ៊ុយណេ នៅសល់១ប្រកួតចុងក្រោយ ដែលជាការប្រកួតបង្រ្គាប់កិច្ចទល់ជាមួយ ហ្វីលីពីន នៅថ្ងៃអាទិត្យ ទី២០ ខែកុម្ភ: ឆ្នាំ២០២២ នាពហុកីឡដ្ឋានមរតកតេជោ វេលាម៉ោង ៤:០០រសៀល៕
