ក្រុមជម្រើសជាតិ ទីម័រខាងកើត បានកក់កៅអីវគ្គពាក់កណ្តាលផ្តាច់ព្រ័ត្រ AFF U23 Championship 2022 ក្រោយបន្តយកឈ្នះលើក្រុម គោជំទង់កម្ពុជា ដោយលទ្ធផល១ទល់០ នៅយប់ថ្ងៃអាទិត្យ ទី២០ ខែកុម្ភៈ ឆ្នាំ២០២២ លើទីលានពហុកីឡដ្ឋានជាតិមរតតេជោ ក្នុងរាជធានីភ្នំពេញ។
១គ្រាប់ធ្វេសប្រហែសចូលទីខ្លួនឯងរបស់កីឡាករខ្សែការពារ យ៊ើ សាហ្វី នៅនាទី១៨ បានធ្វើឲ្យក្រុមជម្រើសជាតិកម្ពុជា ធ្លាក់មកឈរលេខរៀងទី២ តាមពីក្រោយទីម័រខាងកើត ចំនួន១ពិន្ទុ ពីការប្រកួតសន្សំពិន្ទុពូល A ៣ប្រកួតកន្លងមក។
តារាងចំណាត់ថ្នាក់ពូល A៖
១) ទីម័រខាងកើត មាន៧ពិន្ទុ
២) កម្ពុជា មាន៦ពិន្ទុ
៣) ហ្វីលីពីន មាន៤ពិន្ទុ
៤) ប្រ៊ុយណេ មាន០ពិន្ទុ៕
