ថ្មីៗនេះ Lindsay Lohan ទើបតែបង្កើតគណនី TikTok កាលពីដើមខែនេះ ដោយវីដេអូដំបូងដែលបានប្រកាសពីវត្តមាននោះគឺថតរូបភាពខ្លួនឯងបង្ហោះ។ វីដេអូដែលមើលទៅគួរឱ្យស្រលាញ់នេះ បែរជាធ្វើឱ្យហ្វេនមួយចំនួនភ្ញាក់ផ្អើលខ្លាំង ព្រោះហ្វេនៗទើបនឹងបានដឹងការពិតថាពួកគេប្រកបឈ្មោះតារាស្រីរូបនេះខុសមករហូតជាង២០ឆ្នាំមកនេះ។
នៅក្នុងវីដេអូនោះ Lindsay បាននិយាយចំពោះមុខកាំមេរ៉ាថា «អេ អ្នកទាំងអស់គ្នា នេះគឺ Lindsay Lohan សាកទាយទៅមើល? ពេលនេះខ្ញុំលេងតិកតុកដែរហើយ»។ នៅក្នុងពេលនោះនាងបានប្រកបឈ្មោះរបស់នាងដោយមិនមានសំឡេងអក្សរ «H» ដែលច្បាស់ណាស់គឺខុសពីអ្វីដែលយើងគ្រប់គ្នាបានដឹង។ មនុស្សជាច្រើនប្រកបឈ្មោះនាងដោយសំឡេង «H» ដូច្នេះអ្នកគាំទ្រទាំងអស់ ពិតជាមានការភ្ញាក់ផ្អើលហើយបានប្រាប់ដល់នាងនៅក្នុង Comment។ «ឈប់សិន Lindsay LOWEN? ខ្ញុំហៅឈ្មោះខុសពេញមួយជីវិតទៅហើយ?» «ខ្ញុំសុំទោស ខ្ញុំបានហៅឈ្មោះអ្នកខុសស្ទើតែពេញមួយជីវិត»។
Lohan បានបង្កើតគណនី Tiktok ហើយចែករំលែកវីដេអូជាច្រើនស្ដីពីសកម្មភាពប្រចាំថ្ងៃរបស់នាងជាមួយនឹងអ្នកគាំទ្រ ដោយគិតមកទល់នឹងពេលនេះចំនួន follower របស់នាងមានចំនួនជាង ៤៥០k ហើយ៕
ប្រភព៖ MSN