រុស្ស៊ីបានបើកការឈ្លានពានរបស់ខ្លួនតាមផ្លូវគោក ផ្លូវអាកាស និងសមុទ្រកាលពីថ្ងៃព្រហស្បតិ៍ (២៤កុម្ភៈ) បន្ទាប់ពីការប្រកាសសង្គ្រាមដោយប្រធានាធិបតី វ្ល៉ាឌីមៀ ពូទីន។
មនុស្សប្រហែល 100,000 នាក់បានរត់ភៀសខ្លួន ដោយសារការផ្ទុះ និងការបាញ់កាំភ្លើងបានកក្រើកទីក្រុងធំៗ។
ប្រធានាធិបតីអ៊ុយក្រែន លោក Volodymyr Zelensky បាននិយាយថា ជនជាតិអ៊ុយក្រែន 137 នាក់ ទាំងបុគ្គលិកយោធា និងជនស៊ីវិល ត្រូវបានសម្លាប់នៅក្នុងថ្ងៃដំបូង។ មន្ត្រីអាមេរិកនិងអ៊ុយក្រែននិយាយថា រុស្ស៊ីមានបំណងដណ្តើមយករដ្ឋធានី គៀវ និងផ្តួលរំលំរដ្ឋាភិបាល។
ប្រទេសរុស្ស៊ីកាលពីថ្ងៃព្រហស្បតិ៍ បានរឹបអូសយកអតីតរោងចក្រថាមពលនុយក្លេអ៊ែរ Chernobyl ភាគខាងជើងនៃរដ្ឋធានី គៀវ តាមបណ្តោយផ្លូវខ្លីបំផុតទៅកាន់រដ្ឋធានីពីប្រទេសបេឡារុស្ស ជាកន្លែងដែលទីក្រុងម៉ូស្គូបានរៀបចំកងទ័ព។
ប្រធានាធិបតី Volodymyr Zelensky បានប្តេជ្ញាកាលពីថ្ងៃសុក្រថា នឹងស្នាក់នៅក្នុងទីក្រុង Kyiv ទោះបីជារុស្ស៊ីកំណត់គាត់ថាជា “គោលដៅទី 1” ក៏ដោយ៕
ប្រភព៖ CNA News