ប្រធានាធិបតីអ៊ុយក្រែន Volodymyr Zelensky បានពិភាក្សាជាមួយសមភាគីប៉ូឡូញ លោក Andrzej Duda ហើយបានបង្ហោះនៅលើ Twitter នៅព្រឹកថ្ងៃសុក្រនេះថា ប៉ូឡូញ និងសមាជិកផ្សេងទៀតនៃក្រុមសហប្រជាជាតិ Bucharest Nine អាចជួយអ៊ុយក្រែននូវ ជំនួយការពារជាតិ ការដាក់ទណ្ឌកម្ម និងការដាក់សម្ពាធលើអ្នកឈ្លានពាន ដែលលោកបាននិយាយដោយសំដៅទៅលើប្រទេសរុស្ស៊ី។
លោកបង្ហោះថា «យើងការពារសេរីភាពរបស់យើង ទឹកដីរបស់យើង។ យើងត្រូវការជំនួយអន្តរជាតិប្រកបដោយប្រសិទ្ធភាព។ យើងបានពិភាក្សារឿងនេះជាមួយ @AndrzejDudaនិងបានប្តឹងទៅ Bucharest Nine សម្រាប់ជំនួយការពារជាតិ ការដាក់ទណ្ឌកម្ម សម្ពាធលើអ្នកឈ្លានពាន។ រួមគ្នាយើងត្រូវដាក់រុស្សីនៅតុចរចា។ យើងត្រូវការក្រុមសម្ព័ន្ធមិត្តប្រឆាំងសង្គ្រាម»។
បើតាមសេចក្ដីថ្លែងការណ៍របស់លោក Zelensky បានឱ្យដឹងថាស្ថានភាពនៅក្នុងរដ្ឋធានីកៀវរបស់អ៊ុយក្រែនគឺ «ពិបាកខ្លាំងណាស់»។ លោកបន្តថា រុស្ស៊ីកំពុងទម្លាក់គ្រាប់បែកលើតំបន់លំនៅដ្ឋានក្នុងរដ្ឋធានីកៀវ ជាមួយនឹងគោលដៅដែលបានសន្មត់ថា រងគ្រោះដល់ប្រជាជនយ៉ាងខ្លាំង។ រុស្ស៊ីបានបដិសេធថា យោធាខ្លួនមិនបានកំណត់គោលដៅអ្វីឡើយ ក្រៅពីទីតាំងយោធា និងកម្លាំងទ័ពរបស់អ៊ុយក្រែន។ រុស្ស៊ីបានអំពាវនាវដល់កងទ័ពអ៊ុយក្រែនឱ្យពួកគេដាក់អាវុធចុះហើយ «ត្រឡប់ទៅផ្ទះវិញ»៕
ប្រភព៖ RT