មន្ត្រីក្រសួងមហាផ្ទៃអ៊ុយក្រែនបាននិយាយថា កងកម្លាំងយោធារុស្ស៊ីកំពុងកំណត់គោលដៅលើទីតាំងជនស៊ីវិលរាប់សិបកន្លែង។
លោក Vadym Denysenko បានប្រាប់ទីភ្នាក់ងារសារព័ត៌មានReutersថា «រុស្ស៊ីនិយាយថាពួកគេមិនបានវាយលុកលើទីតាំងជនស៊ីវិលនោះទេ ប៉ុន្តែទីតាំងជនស៊ីវិលចំនួន៣៣ កន្លែងត្រូវបានវាយប្រហារក្នុងរយៈពេល 24 ម៉ោងចុងក្រោយនេះ(ម៉ោងនៅអ៊ុយក្រែន)»។
កងកម្លាំងរុស្ស៊ីឡោមព័ទ្ធរដ្ឋធានីកៀវ បន្ទាប់ពីបានដាក់ពង្រាយទ័ពយ៉ាងឆាប់រហ័សពីជួរមុខជាច្រើននៅភាគខាងជើង ភាគខាងកើត និងខាងត្បូងនៃប្រទេសអ៊ុយក្រែន ចាប់តាំងពីការឈ្លានពានបានចាប់ផ្តើមកាលពីថ្ងៃព្រហស្បតិ៍។ មន្ត្រីអ៊ុយក្រែនបាននិយាយថា ប្រតិបត្តិការរុស្ស៊ីបានស្ថិតនៅក្នុងទីក្រុងរួចហើយ ដោយជំរុញឱ្យអ្នកស្រុកប្រយុទ្ធជាមួយដោយគ្រាប់បែកសាំង៕
ប្រភព៖ BBC
