ក្រុមបាល់ទាត់អង្គរថាយហ្គឺរ បានប្រកាសដាក់លក់សំបុត្រមុនគេ បើធៀបនឹងក្រុមទាំង៤ដែលទទួលធ្វើម្ចាស់ផ្ទះក្នុងសប្ដាហ៍ដំបូងក្នុងពានរង្វាន់លីគកំពូលកម្ពុជា Cambodian Premier League 2022 ខណៈដែលក្រុមមួយនេះប្រើប្រាស់កីឡដ្ឋាន SRU Stadium (ប្តូរជា Hanuman Stadium) នៅក្នុងទីរួមខេត្តសៀមរាប។
ក្រុមដែលមានថៅកែជាជនជាតិជប៉ុន មួយនេះនឹងទទួលក្រុមបាល់ទាត់វិសាខា នៅថ្ងៃ សៅរ៍ ទី ០៥ ខែ មីនា ខាង មុខនេះ វេលាម៉ោង ៣:៤៥នាទីរសៀល។ ចំណែកតម្លៃសំបុត្រមាន៣ប្រភេទនៅ Tiger Cash ដែលទល់មុខវត្តកេសារារាម ដោយចាប់លក់ពីម៉ោង ៩ព្រឹក ដល់ម៉ោង ៥ល្ងាច។ តម្លៃសំបុត្រ (ខ្មែរ)៖
- សំបុត្រ A តម្លៃ ១០,០០០៛
- សំបុត្រ B តម្លៃ ៦,០០០៛
- សំបុត្រ C តម្លៃ ៤,០០០៛
