តាមរយៈសារព័ត៌មាន RT ដែលទើបតែបង្ហោះផ្សាយព័ត៌មានតាមរយៈតេឡេក្រាមនៅថ្ងៃទី៣ មីនា ២០២២នេះឱ្យដឹងថា នាវាសមុទ្ទរបស់មហាសេដ្ឋីរុស្ស៊ីលោក Alisher Usmanov ត្រូវបានអាជ្ញាធរអាល្លឺម៉ង់រឹបអូសនិងបង្កកទ្រព្យសម្បត្តិលោកទុកនៅទីក្រុង HamBurg ចំពេលដែលសហភាពអឺរ៉ុបកំពុងតែទណ្ឌកម្មលើរុស្ស៊ី ដើម្បីប្រឆាំងនឹងការឈ្លានរបស់រុស្ស៊ីមកលើអ៊ុយក្រែន។
លោក Alisher Usmanov ជាមហាសេដ្ឋីរុស្ស៊ីដែលមានទ្រព្យសម្បត្តិស្ដុកស្ដម និងមាននាវាសមុទ្ទឈ្មោះ Dilbar កម្ពស់ 512 ហ្វីត ហើយមានតម្លៃ 800 លានដុល្លារ។ លោក Alisher Usmanov ជាអ្នកជំនួញរុស្ស៊ីដែលមានចំណាប់អារម្មណ៍តែលើការរកស៊ីផ្នែកប្រព័ន្ធទូរគមនាគមន៍ ការរុករករ៉ែ និងប្រព័ន្ធផ្សព្វផ្សាយនៅក្នុងប្រទេសរុស្ស៊ី រួមទាំងនៅបរទេសផងដែរ។ មហាសេដ្ឋី និងជាអ្នកជំនួញល្បីរូបនេះ ត្រូវបានគេប៉ាន់ស្មានទ្រព្យសម្បត្តិលោក មានចំនួន 17.9 ពាន់លានដុល្លារ នៅក្នុងឆ្នាំ២០២១។
លោក Alisher Usmanov ជាសហម្ចាស់នៃប្រតិបត្តិករទូរស័ព្ទចល័តធំជាងគេទីពីររបស់រុស្ស៊ី MegaFon និងជាម្ចាស់ក្រុមហ៊ុន Udokan ទង់ដែងដែលអភិវឌ្ឍប្រាក់បញ្ញើទង់ដែងដ៏ធំបំផុតមួយនៅក្នុងពិភពលោក និងជា អ្នកវិនិយោគដ៏ធំបំផុតនៃមូលនិធិ Digital Sky Technologies (“DST”) រួមទាំងកាន់កាប់ភាគហ៊ុននៅក្នុងក្រុមហ៊ុនបច្ចេកវិទ្យាអន្តរជាតិមួយចំនួនទៀតផងដែរ។
កាលពីថ្ងៃទី២៨ ខែកុម្ភៈឆ្នាំ ២០២២ ទាក់ទងនឹងការឈ្លានពានរបស់រុស្ស៊ីមកលើអ៊ុយក្រែន សហភាពអឺរ៉ុបបានចុះក្នុងបញ្ជីខ្មៅ លោក Alisher Usmanov ដោយបានដាក់បម្រាមធ្វើដំណើរទូទាំងសហភាពអឺរ៉ុប និងបង្កកទ្រព្យសម្បត្តិរបស់គាត់ទាំងអស់។ បន្ទាប់ពីការដាក់ទណ្ឌកម្មនេះ លោកក៏បានប្រកាសនៅថ្ងៃទី១ ខែមីនា ឆ្នាំ២០២២ អមដោយលិខិតចោទប្រកាន់ឱ្យដឹងថា លោកកំពុងត្រូវអឺរ៉ុបផ្អាកសកម្មភាពរបស់លោកនៅក្នុង FIE ដែលជាស្ថាប័នគ្រប់គ្រងអន្តរជាតិលើការវិនិយោគនិងការអភិវឌ្ឍន៍ជុំវិញពិភពលោក៕
ប្រភព៖RT