ម្សិលមិញ រឿងដែលលោកគ្រូមហាជ័យនិងលោកគ្រូមហាជុំ បានរៀបចំពិធីថ្វាយគ្រូរំលឹកនឹកគុណដល់ស្ដេចនាគ ហើយត្រូវបារម្ភនាគរាជចូលសណ្ឋិតក្នុងខ្លួននោះ កំពុងតែជារឿងក្ដៅគគុកនិងមានការរិះគន់ច្រើនពីមហាជន ដោយក្នុងនោះសូម្បីតែឧកញ៉ាមានឈ្មោះល្បីនិងលេចធ្លោលើបណ្ដាញសង្គម ក៏ចេញមកប្រតិកម្មនឹងស៊ុតឱ្យគ្រូរូបនេះមិនសំចៃមាត់តែម្ដង។
សូមចុចអាន – ផ្អើលពេញហ្វេសប៊ុក លោកគ្រូមហាជ័យបញ្ចេញក្បាច់បារមីនាគចូលសណ្ឋិត ស្រាប់តែតួអង្គ កុដុម្ពី នៅក្នុងរឿង«ដើមរលួសមាស» ទ្រាំលែងបានក៏លាន់មាត់ថា…
សកម្មភាពដែលបង្កឱ្យមានការភ្ញាក់ផ្អើលកាលពីថ្ងៃទី១០ ខែមីនា ឆ្នាំ២០២២ ម្សិលមិញនេះ ត្រូវបានផេកជាច្រើនយកទៅកាត់តអមជាមួយនឹងបទភ្លេងឬបទចម្រៀងជាច្រើនបទ មិនតែប៉ុណ្ណោះក៏មានអ្នកមិនពេញចិត្តចំពោះទង្វើ និងសកម្មភាពរបស់លោកគ្រូម្នាក់នេះបានរិះគន់ធ្ងន់ៗផងដែរ។
ក្នុងចំណោមអ្នកដែលចេញមកប្រតិកម្ម និង រិះគន់ចំពោះគ្រូមហាជ័យនោះ គេសង្កេតនៅលើផេកលោកឧកញ៉ា ហ៊ុន ជា ក៏មានប្រតិកម្មខ្លាំងព្រមទាំងរិះគន់មិនសំចៃមាត់ឬទុកមុខរាប់គ្នាទៅថ្ងៃក្រោយដែរថា៖ «មានបងប្អូនណាស្គាល់ជួយប្រាប់អោយវាជួយទិញម៉ូតូនាគនេះផងព្រោះសមនឹងអាឡប់នឹងណាស់ ម្ចាស់គេត្រូវកាលុយ ទិញដុំថ្មយកទៅគប់ក្បាលពួកអាឡប់២ក្បាលហ្នឹងលេង »។
សម្ដីខ្លីរបស់បុរសដ៏មានឥទ្ធិពលខាងលើនេះ ទទួលបានការគាំទ្រនិងកោតសរសើរច្រើនពីសាធារណជនព្រោះតែគេមិនគាំទ្រ និងមិនពេញចិត្តចំពោះទងើ្វគ្រូមហាជ័យ និង គ្រូមហាជុំ ដោយពួកគេចាត់ទុកសកម្មភាពខាងលើនេះជាអំពើប្រមាថចំពោះពូជពង្សនិងជំនឿរបស់ដូនតាខ្មែរ ពិសេសប្រទេសកម្ពុជា មានដូនតាជាជាប់ខ្សែស្រឡាយជាអំបូរនាគរាជតាំងពីសម័យគោកធ្លកមកម្ល៉េះ៕
ប្រភព៖ Facebook Chea Hun