អាមេរិក- រូបភាពវីដេអូតារា Tiktok បង្ខំលោកតាម្នាក់ឱ្យលុបរូបខ្លួននិងមិត្តភក្ដិស្លៀកប៊ិគិនីចេញពីទូរស័ព្ទត្រូវបានបង្ហោះនៅលើ Tiktok ហើយមានចំនួនទស្សនាជិត៥០ម៉ឺនដង។
វីដេអូនោះចាប់ផ្ដើមឡើងដោយលោកតាមម្នាក់មើលរូបថតក្នុង gallery ទូរស័ព្ទគាត់ ដោយក្នុងនោះសុទ្ធតែរូបថតតារា Tiktok ម្នាក់ជាមួយនឹងមិត្តរបស់នាងស្លៀកឈុតប៊ិគិនី។
នារីម្នាក់នៅក្នុងវីដេអូបានជ្រើសរលសរូបថតជាច្រើននៅក្នុងទូរសព្ទរបស់បុរសចំណាស់នោះ ដើម្បីធ្វើយ៉ាងណាឱ្យប្រាកដថារូបថតទាំងអស់ត្រូវបានលុបចេញពីក្នុងទូរសព្ទនោះ។
យ៉ាងណាមិញវីដេអូនោះត្រូវបានអ្នក Comment ច្រើនចូលមកបង្ហាញចំណាប់អារម្មណ៍ផ្សេងៗគ្នា ដោយមានសំឡេងខ្លះយល់ស្របចំពោះទង្វើនោះ ខណៈដែលសំឡេងខ្លះទៀតមិនយល់ស្រប ដោយភាគច្រើនអ្នកប្រើប្រាស់ Tiktok ជាបុរសបានបញ្ចេញយោបល់ថានៅទីសាធារណៈបែបនេះមិនអាចរកឯកជនភាពបាននោះឡើយ ដោយពួកគេលើកឡើងស្រដៀងៗគ្នាថា នៅទីសាធារណៈអ្នកណាក៏អាចថតរូបឬវីដេអូបានដែរ ប៉ុន្តែក៏មានឆ្លើយតបចំពោះការលើកឡើងនោះពីភាគីខាងស្ត្រីវិញដែរថា ពួកគេយល់សោះថាហេតុអីបានជាមនុស្សជាច្រើនមិនទាន់យល់ កុំស្មានថាធ្វើអ្វីដែលមិនខុសច្បាស់សុទ្ធតែប្រាកដជាត្រឹមត្រូវនោះ ខណៈដែលមាន Comment ផ្សេងទៀតបានលើកឡើងថា «អស់លោកការពារគត់ក្នុង Comment បែបនេះ គឺពួកលោកទទួលស្គាល់ថាខ្លួនក៏ធ្វើដូចជាគាត់នឹងដែរ»
ងាកមកសាមីខ្លួនតារា Tiktok ដែលត្រូវបានគេថតនិងជាបង្ហោះវីដេអូបង្ខំឱ្យគេលុបរូបខ្លួននោះ បានចេញមកការពារខ្លួននិងមិត្តភក្ដិរបស់ខ្លួនវិញថា «អ្នកទាំងអស់ដែលការពារគាត់នៅក្នុង Comment អ្នកទាំងអស់សុទ្ធតែយល់ស្របនឹងគេ ប៉ុន្តែបើខ្ញុំជាកូនស្រីឬជាក្មួយរបស់អ្នក អ្នកប្រហែលជាមិននិយាយដូច្នេះទេ។»
ក្រោយមានករណីនេះកើតឡើងភ្នាក់ងាររបស់ Daily Dot បានព្យាយាមទាក់ទងទៅគណនី @bare_naked ដើម្បីសុំការស្រាយបំភ្លឺលើរឿងនេះប៉ុន្តែនាងមិនឆ្លើយតបចំពោះអ្នកសារព័ត៌មាននោះឡើយ។
ប្រភព៖ 7NEWS, bare_naked