ហូលីវូដ - មិនថាដោយសារតែទទួលបានចំណាត់ថ្នាក់ទាប ឬដោយសារត្រូវគេធ្វើបាប ឬក៏ដោយសារតែចាប់តាមក្ដីសុបិនរបស់ខ្លួន តារាហូលីវូដជាច្រើនដួងនេះមិនបានបញ្ចប់ថ្នាក់ឌុបឡើយ។ ខណៈដែលមតិជាច្រើនលើកឡើងថាការសិក្សាមានសារៈសំខាន់ខ្លាំង ប៉ុន្តែតារាទាំងអស់នេះបែរជាអាចតស៊ូរហូតទទួលបានជោគជ័យដោយមិនពឹងលើសញ្ញាប័ត្របាក់ឌុបទៅវិញ។ ខាងក្រោមនេះគឺជាតារាល្បីលំដាប់ជួរមុខរបស់ហូលីវីដ ដែលអាចជោគជ័យដោយគ្មានបាក់ឌុប
១. Johnny Depp
អ្នកច្បាស់ជាភ្ញាក់ផ្អើលហើយមែនទេ? នៅពេលដែលអ្នកបានដឹងថាកំពូលតារាល្បីលំដាប់ពិភពលោករូបនេះបានបោះបង់ចោលការសិក្សាដើម្បីតាមចាប់ក្ដីសុបិនក្នុងអាជីពតន្ត្រី។
២. Jim Carrey
តារាសម្ដែងជំនាញកំប្លែងរូបនេះបានបោះបង់ចោលការសិក្សាថ្នាក់វិទ្យាល័យត្រឹមអាយុ១៥នៅពេលដែលគ្រួសារលោកជួបវិបត្តិធ្ងន់ធ្ងរ។ លោកបានធ្វើការងារជាអ្នកបោសសំអាត ចំណែកសមាជិកគ្រួសារលោកផ្សេងទៀតក៏ប្រឹងប្រែងជួយរកប្រាក់សងបំណុលគ្រួសារដែរ។
៣. Cameron Diaz
ក្រោយចុះកុងត្រាជាមួយនឹងក្រុមហ៊ុនបង្ហាញម៉ូដ Cameron Diaz បានចាកចេញពីវិទ្យាល័យ Long Beach Polytechnic ភ្លាម ហើយបានចូលរួមសម្ដែងក្នុងភាពយន្តដ៏ល្បីល្បាញជាអមតៈ «The Mask» ជាមួយនឹង Jim Carrey។
៤. Katy Perry
តារាចម្រៀងប៉ុបដ៏ល្បីល្បាញបានបោះបង់ចោលការសិក្សាពីវិទ្យាល័យ Santa Barbara Don Pueblos នៅត្រឹមតែអាយុ១៥ឆ្នាំ ដើម្បីដើរតាមក្ដីសុបិនធ្វើជាតារាចម្រៀង។
៥. Tom Cruise
តារាសម្ដែងដ៏ល្បីល្បាញ Tom Cruise ដំបូងឡើយទៅសាលារៀនព្រោះលោកចង់ក្លាយជាអាចារ្យមួយរូប។ យ៉ាងណាមិញលោកបានឱកាសបង្ហាញវត្តមានក្រោមពន្លឺភ្លើង ទើបធ្វើឱ្យលោកសម្រេចចិត្តចាកចោលសាលាហើយផ្លាស់ទៅរស់នៅក្រុងញូវយ៉ក ដើម្បីចាប់យកអាជីពជាតារាសម្ដែង
៦. Nicolas Cage
នៅអាយុ១៦ឆ្នាំ Nicolas Cage បានដាច់ចិត្តដើរចោលវិទ្យាល័យ Hills High ដើម្បីស្រវ៉ាយកអាជីពជាតារាសម្ដែង។
៧. Eminem
កំពូលតារាចម្រៀង RAP ដ៏ល្បីល្បាញបានបោះបង់ចោលការសិក្សាត្រឹមថ្នាក់ទី៩ ចំនួន៣ដង មុនពេលចាកចោលវិទ្យាល័យ Lincoln នៅអាយុ១៧ឆ្នាំ។
៨. Robert Downey Jr.
តារាសម្ដែងម្ចាស់តួអង្គ Iron Man បានចាប់ផ្ដើមអាជីពជាតារាសម្ដែងតាំងពីវ័យក្មេង ហើយលោកបានសម្រេចចិត្តបោះបង់ចោលការសិក្សាវិទ្យាល័យត្រឹមអាយុ១៦ឆ្នាំ។ លោកបានផ្លាស់ទៅរស់នៅញូវយ៉កដើម្បីបន្តអាជីពសម្ដែងរបស់ខ្លួន។
៩. Christina Aguilera
ក្រោយពីត្រូវបានសិស្សក្មេងៗដូចគ្នាធ្វើបាបពេលដែលខ្លួននៅជាសិស្សក្នុងវិទ្យាល័យ Pennsylvania តារាចម្រៀង Aguilera បានបោះបង់ចោលការសិក្សាត្រឹមថ្នាក់ទី៩ ហើយត្រូវបានម្ដាយរបស់នាងបង្រៀននៅផ្ទះវិញ។
១០. Kristen Stewart
តួឯកស្រីពីភាពយន្តភាគជាស៊េរីរឿង «Twilight» ធ្លាប់បានឆ្លងកាត់ការលំបាកនិងធ្លាក់មុខជាច្រើនមុវិជ្ជាមុនពេលសម្រេចចិត្តឈប់សិក្សានៅត្រឹមអាយុ១៣ឆ្នាំ ប៉ុន្តែនាងមិនមែនចោលការសិក្សាទាំងស្រុងនោះទេ គឺបានន័យថានាងបន្តរៀននៅផ្ទះហើយទទួលបានសញ្ញាប័ត្របញ្ជាក់ GED។
ប្រភព៖ StarInside