តាមរបាយការណ៍របស់ក្រសួងសុខាភិបាលថៃបានប្រកាសឱ្យដឹងថា រហូតមកទល់ពេលនេះ ប្រជាជនថៃបានចាក់វ៉ាក់សាំងចំនួនជិត ១២៧ លានដូសហើយ ខណៈដែលរដ្ឋាភិបាលថៃកំពុងពន្លឿនការចាក់វ៉ាក់សាំងឱ្យប្រជាជនឱ្យបាន ៧០ភាគរយ មុនពេលថ្ងៃព្រឹត្តិការណ៍សង្ក្រាន្ដថៃបានមកដល់។ រហូតមកទល់ពេលនេះ មានមនុស្សចាស់អាយុលើសពី ៦០ឆ្នាំ បានចាក់នូវដូសទី ៣ បាន ៣២ ភាគរយតែប៉ុណ្ណោះ។
លោក ថាណាខន វាំងពូន អ្នកនាំពាក្យរដ្ឋាភិបាលបាននិយាយថា ឧត្តមសេនីយ៍ ប្រាយុទ្ធ ចាន់អូឆា បានចេញវិធានការប្រុងប្រយ័ត្ន និងលើកទឹកចិត្តមនុស្សចាស់ដែលមានអាយុចាប់ពី ៦០ ឆ្នាំឡើងទៅ អ្នកដែលមានជំងឺប្រចាំកាយ និងស្ត្រីមានផ្ទៃពោះ ឱ្យទទួលថ្នាំបង្ការជំងឺ កូវិដ១៩ នៅមុនថ្ងៃឈប់សម្រាកថ្ងៃសង្ក្រាន្ដ។ លោកបានលើកឡើងថា រដ្ឋាភិបាលថៃបានណែនាំអ្នកចូលរួមក្នុងពិធីបុណ្យចូលឆ្នាំ ឬព្រឹត្តិការណ៍សង្ក្រាន្ត ឱ្យកំណត់ការចាក់វ៉ាក់សាំងជំរុញឱ្យបានគ្រប់ប្រជាពលរដ្ឋទាំងអស់។ ហើយយុទ្ធនាការបាញ់ថ្នាំជំរុញត្រូវបានចាប់ផ្តើមដោយក្រសួងសុខភាពសាធារណៈ ដោយមានការបាញ់ថ្នាំ យ៉ាងទូលំទូលាយនៅក្នុងតំបន់ជាច្រើនរហូតដល់ថ្ងៃទី ៣១ ខែមីនា។
លោកបន្ដថា គោលដៅបង្កើនការចាក់វ៉ាក់សាំងឱ្យមនុស្សចាស់យ៉ាងតិច ៧០ភាគរយ ដែលបានចាក់វ៉ាក់សាំងរួចហើយយ៉ាងហោចណាស់ពីរដង។ ព្រឹត្តិការណ៍សង្ក្រាន្ត គឺជាពេលវេលាដ៏សំខាន់មួយដែលក្រុមគ្រួសារត្រឡប់មកផ្ទះវិញ ដើម្បីជួបជុំ។ ទោះជាយ៉ាងណាក៏ដោយ ទំនាក់ទំនងជិតស្និទ្ធជាមួយសាច់ញាតិអាចបង្កើនហានិភ័យនៃការឆ្លងជំងឺកូវីដ១៩។ ក្នុងរយៈពេលប៉ុន្មានសប្តាហ៍ចុងក្រោយនេះ ជិតឈានចូលដល់ថ្ងៃសង្ក្រាន្ត ប្រទេសថៃបាននិងកំពុងកត់ត្រាករណីផ្ទុកកូវីដ១៩ប្រចាំថ្ងៃជាង ២ម៉ឺននាក់ហើយ។ លោកបន្ថែមទៀតថា អ្នកជំងឺកូវីដ១៩ ដែលមានរោគសញ្ញាតិចតួច ឬគ្មាន នឹងទទួលបានថ្នាំទូទៅ។ អ្នកដែលមានរោគសញ្ញាកម្រិតមធ្យមដោយគ្មានលក្ខខណ្ឌមូលដ្ឋាន នឹងទទួលបានថ្នាំគ្រាប់ chiretta ពណ៌បៃតង។ ហើយក្រុមដែលងាយរងគ្រោះនឹងទទួលបានថ្នាំប្រឆាំងមេរោគតែប៉ុណ្ណោះ។
គួរដឹងថា ការកំណត់វិធានការថ្មីនេះ ជាការពន្លឿនការការពារដល់ក្រុមអ្នកមនុស្សដែលងាយរងគ្រោះដោយសារកូវីដ១៩ មុនពិធីបុណ្យព្រឹត្តិការណ៍សង្ក្រាន្ដចូលមកដល់នៅខែក្រោយនេះ៕
ប្រភព៖ Thairath
