គ្រាប់បាល់សរុបចំនួន៧០គ្រាប់ហើយ ដែលក្រុមជាសមាជិកពានរង្វាន់លីគកំពូលកម្ពុជា Cambodian Premier League 2022 ទាំង៨ក្រុមបានទាត់បញ្ជូលទីគ្នាទៅវិញទៅមក ខណៈមានកីឡាករថ្មីចំនួន៧នាក់ ទើបតែរកបានគ្រាប់បាល់ប្រចាំរដូវកាលនេះ។
កីឡាករទាំង៧នាក់នោះសុទ្ធតែរកបាន១គ្រាប់ជាលើកដំបូងដូចគ្នាមាន៖
-Fumiya Kogure ជនជាតិជប៉ុន (ណាហ្គាវើល) ទាត់ចូលទីព្រះខ័នរាជស្វាយរៀង
-ម៉ៅ ពិសិដ្ឋ (អង្គរថាយហ្គឺរ) ទាត់ចូលទី Tiffy Army FC
-ញាណ សុស៊ីដាន (Tiffy Army FC) ទាត់ចូលទីអង្គរថាយហ្គឺរ
-Valeriy Hryshyn ជនជាតិអ៊ុយក្រែន (ភ្នំពេញក្រោន) ទាត់ចូលទីគីរីវង់សុខសែនជ័យ
-យើ មូស្លីម (ភ្នំពេញក្រោន) ទាត់ចូលទី គីរីវង់សុខសែនជ័យ
-Sukhrob Rakhmonov ជនជាតិអ៊ូប៊ែគីស្ថាន (គីរីវង់សុខសែនជ័យ) ទាត់ចូលទីភ្នំពេញក្រោន
-អ៊ុក សុវណ្ណ (វិសាខា) ទាត់ចូលទីបឹងកេត
ក្នុងចំណោមគ្រាប់បាល់ទាំង៧០គ្រាប់ មានកីឡាករចំនួន៤១នាក់ ហើយក្នុងនោះមានកីឡាករ៣នាក់បានធ្វើឱ្យរបូតចូលទីខ្លួនឯងដោយអចេតនា (Own Goal)។ ចំណែកកីឡាករដែលរកគ្រាប់បាល់បានច្រើនជាងគេមាន៖
Marcus Haber (កាណាដា) ព្រះខ័នរាជស្វាយរៀង ៨គ្រាប់
*៤គ្រាប់
-ម៉ាត់ ណូរ៉ុន (បឹងកេត)
-Andres Nieto (កូឡុំប៊ី) ភ្នំពេញក្រោន
-Jozsef Keaveny (អៀកឡង់) អង្គរថាយហ្គឺរ
*៣គ្រាប់
-Fareed Sadat (អាហ្វហ្គានីស្ថាន) ភ្នំពេញក្រោន
-Gabriel Silva (ប្រេស៊ីល) អង្គរថាយហ្គឺរ
-Takumu Nishihara (ជប៉ុន) Tiffy Army FC
*២គ្រាប់
-អ៊ីម សំអូន របស់គីរីវង់សុខសែនជ័យ
-សារ៉េត គ្រីយ៉ា របស់ព្រះខ័នរាជស្វាយរៀង
-Lee Jae Gun (កូរ៉េខាងត្បូង) វិសាខា
-សុវណ្ណ ដូណា របស់អង្គរថាយហ្គឺរ
-Eliel da Cruz (ប្រេស៊ីល) ណាហ្គាវើល
-Cristian Roque (ប្រេស៊ីល) ណាហ្គាវើល
-សៀង ចន្ធា របស់បឹងកេត
-Iago Bento (ប្រេស៊ីល) អង្គរថាយហ្គឺរ