ពានរង្វាន់បាល់ទះកម្រិតទ្វីបអាស៊ី AFC Cup 2022 ដែលរៀបចំឡើងដោយសហព័ន្ធកីឡាបាល់ទាត់អាស៊ី នឹងត្រូវប្រកួតពីថ្ងៃនេះតទៅ ហើយ តែស្ថិតក្នុងវគ្គជម្រុះស្ថិតនៅតំបន់អាស៊ីខាងត្បូង ខណៈតំបន់អាស៊ីខាងកើត នៅមិនទាន់ប្រកួតនៅឡើយទេ។
សម្រាប់វគ្គជម្រុះបឋមជុំទី១ពានរង្វាន់ AFC Cup 2022 នៅតំបន់អាស៊ីខាងត្បូង ចំនួន២គូនឹងរៀបចំប្រកួតនៅក្នុងប្រទេសម៉ាល់ឌីវ និងនេប៉ាល់ ដើម្បីយក២ឡើងទៅវគ្គជម្រុះបឋមជុំទី២។
ចំពោះវគ្គជម្រុះបឋមជុំទី១ គូទី១ រវាងក្រុម Machhindra របស់នេប៉ាល់ និងក្រុម Blue Star SC របស់ស្រីលង្កា នឹងធ្វើឡើងនៅថ្ងៃទី០៥ ខែមេសា វេលាម៉ោង៥:០០ល្ងាច នៅកីឡដ្ឋាន Dasharath Rangasala។
ចំពោះវគ្គជម្រុះបឋមជុំទី១ គូទី២ រវាងក្រុម Valencia របស់ម៉ាល់ឌីវ និងក្រុម Paro FC របស់ប៊ូតាន នឹងធ្វើឡើងនៅថ្ងៃទី០៥ ខែមេសា វេលាម៉ោង១០:០០យប់ នៅកីឡដ្ឋានជាតិម៉ាល់ឌីវ។
ក្រុមឈ្នះនៅវគ្គចែកពូលវគ្គជម្រុះប្រចាំតំបន់អាស៊ី ខាងត្បូងនេះនឹងឡើងទៅបង្រ្គប់ក្នុងពូល D ដែលមានក្រុម Gokulam Kerala (ឥណ្ឌា) ជាម្ចាស់ផ្ទះ ក្រុម Bashundhara Kings (បង់ក្លាដេស) និងក្រុម Maziya (ម៉ាល់ឌីវ) កំពុងរង់ចាំ។
ពានរង្វាន់ AFC Cup 2022 បែងចែកជា៥តំបន់ដោយក្នុងនោះមាន ១តំបន់អាស៊ីអាគ្នេយ៍ ២តំបន់អាស៊ីកណ្ដាល ៣តំបន់អាស៊ីខាងត្បូង ៤តំបន់អាស៊ីខាងត្បូង និងអាស៊ីខាងលិច៕