ពានរង្វាន់លីគទី២ Cambodian League 2 រដូវកាលឆ្នាំ២០២២ដែលមានសមាជិកចំនួន១២ក្រុមបានធ្វើដំណើរបាន៥សប្ដាហ៍ហើយ សរុបមាន៣០ប្រកួត តែបើងាកមើលគ្រាប់បាល់វិញមានការទាត់បញ្ជូលទីគ្នាទៅមកកើនដល់១១០គ្រាប់ហើយ។
ក្រុមបាល់ទាត់ខេត្តព្រៃវែង ជាក្រុមដែលទាត់បញ្ជូលទីគូប្រកួតបានច្រើនគ្រាប់ជាងគេ រហូតដល់១៨គ្រាប់ ខណៈក្រុមដែលរបូតចូលទីតិចគ្រាប់ជាងគេ គឺអគ្គីសនីកម្ពុជា ត្រឹម២គ្រាប់ប៉ុណ្ណោះ។
ចំណែកកីឡាករដែលទាត់បញ្ជូលទីបានច្រើនគ្រាប់ជាងគេនៅតែជាកីឡាករ NDONGO LOUIS WILLY ជនជាតិកាមេរ៉ូន របស់ក្រុមអាស៊ីអឺរ៉ុប ក្រោមរកបាន៦គ្រាប់ម្នាក់ឯង។ ៦គ្រាប់របស់ខ្សែប្រយុទ្ធនេះបានទាត់បញ្ជូលទីក្រុមខេត្តសៀមរាប ១គ្រាប់ សូលទីឡូអង្គរ ២គ្រាប់ និង អាយ.អេស.អាយ ដង្កោសែនជ័យ ៣គ្រាប់។
កីឡាករដែលស្ថិតក្នុងបញ្ជី Top Scorers មាន៖
-NDONGO LOUIS WILLY (កាម៉េរ៉ូន) អាស៊ីអឺរ៉ុប ៦គ្រាប់
-សោម បូរិទ្ធ របស់យុវជនសាលាបាល់ទាត់ជាតិ ៥គ្រាប់
-ឃាន់ សុបិន របស់យុវជនសាលាបាល់ទាត់ជាតិ ៤គ្រាប់
-Raoul Uche Nduka (នីហ្សេរីយ៉ា) របស់ខេត្តព្រៃវែង ៤គ្រាប់
ចំណែកអ្នករកបាន៣គ្រាប់មាន៖
-NGWA BALDWIN AFANWI (កាម៉េរ៉ូន) របស់ អាយ.អេស.អាយ
-សារី តៃម៉ូ់ របស់កោះកុងអែហ្វស៊ី
-MIRZAEV ALISHER UMIDOVICH (អ៊ូប៊ែគីស្ថាន) ព្រៃវែង
-Abbee (កាម៉េរ៉ូន) កោះកុង
-ផាន សុផេង របស់ខេត្តព្រៃវែង
-Umaru Samura (សេរ៉ាឡេអូន) កោះកុង
-ទិត រ៉សាក់ របស់ត្បូងឃ្មុំ
-សំ វណ្ណនិត របស់អគ្គស្នងការដ្ឋាននគរបាលជាតិ
-កើ ហ្វីន របស់ខេត្តត្បូងឃ្មុំ