ភ្នំពេញ៖ មកដឹងពីមូលហេតុដែលធ្វើឲ្យប្រទេសកម្ពុជាយើង ចាប់ផ្តើមចុះត្រជាក់ធ្លាក់ខ្យល់ និងមានភ្លៀងធ្លាក់តាមតំបន់មួយចំនួនខុសប្លែកពីធម្មតា ជាពិសេសនៅក្នុងរដូវក្កៅនេះ។
តាមការចំណាំរបស់បងប្អូនប្រជាពលរដ្ឋខ្មែរយើងឲ្យតែចូលដល់ខែចេត្រ គេតែងតែគិតថាវាគឺចូលដល់ខែក្តៅហើយ ជាពិសេស នៅពេលជិតដល់ថ្ងៃចូលឆ្នាំខ្មែរតែម្តង។ ប៉ុន្តែនៅចន្លោះខែមីនា និងខែមេសា ឆ្នាំ២០២២នេះ ប្រទេសកម្ពុជាបែរជាមានអាកាសធាតុចុះត្រជាក់ធ្លាក់ខ្យល់ និងមានភ្លៀង លាយឡំជាមួយខ្យល់កន្រ្តាក់ រួមទាំងផ្គររន្ទះដែ លបានសម្លាប់មនុស្ស សត្វ និងធ្វើឲ្យខូចខាតផ្ទះរបស់ ប្រជាពលរដ្ឋអស់ជាច្រើនផងដែរ។ អាកាធាតុបែបនេះនៅ តែបន្តកើតមានជាបន្តទៀត រហូតដល់ថ្ងៃទី១២ ខែ មេសា ឆ្នាំ២០២២ ខាងមុខនេះទើបវិលត្រលប់មកសភាពធម្មតាវិញ។
បើតាមសេចក្តីជូនដំណឹងរបស់ក្រសួងធនធានទឹក និងឧតុនិយមបានជូនដំណឹងស្តីពីស្ថានភាពអាកាសឲ្យដឹងថាចាប់ពីថ្ងៃទី៦ ខែមេសា ឆ្នាំ២០២២ នេះ រហូតដល់ថ្ងៃទី១២ ខែមេសា ឆ្នាំ២០២២ ខាងមុខនេះព្រះរាជាណាចក្រកម្ពុជានឹងទទួលនូវឥទ្ធិពលជាបន្តបន្ទាប់ដូចជា៖
នៅថ្ងៃទី៦-៩ ខែមេសា ឥទ្ធិពលពីទ្រនុងសម្ពាធខ្ពស់ (ចិន) ក្នុងកម្រិតពីខ្សោយ ទៅមធ្យម។ ហើយនៅថ្ងៃទី១០-១២ ខែមេសា ឥទ្ធិពលពីកម្រិសម្ពាធទាបខ្សោយ។
សម្រាប់ស្ថានភាពបែបនេះ នឹងធ្វើឲ្យបណ្តាខេត្តនៅតំបន់វាលទំនាបកណ្ដាល ៖
- សីតុណ្ហភាពអប្បបរមា មានពី២៣-២៦ អង្សារសេ។
- សីតុណ្ហភាពអតិបរមា មានពី៣៣-៣៦ អង្សារសេ ។
- នឹងអាចមានភ្លៀងក្នុងកម្រិតពីខ្សោយទៅមធ្យមជាអន្លើ។
សម្រាប់បណ្ដាខេត្ត ដែលជាប់ជួរភ្នំដងរែក និងខ្ពង់រាបឦសាន ៖
- សីតុណ្ហភាពអប្បបរមា មានពី២៣-២៦ អង្សារសេ
- សីតុណ្ហភាពអតិបរមា មានពី៣៣-៣៦ អង្សារសេ
- នៅថ្ងៃទី១១-១២ ខែមេសា នឹងអាចមានភ្លៀងក្នុងកម្រិតខ្សោយជាអន្លើ។
សម្រាប់តំបន់មាត់សមុទ្រ ៖ - សីតុណ្ហភាពអប្បបរមា មានពី២២-២៥ អង្សារសេ
- សីតុណ្ហភាពអតិបរមាមាន៣០-៣២ អង្សារសេ
- នឹងអាចមានភ្លៀងក្នុងកម្រិតពីខ្សោយទៅមធ្យមជាអន្លើ។
ដូចច្នេះសូមបងប្អូនប្រជាពលរដ្ឋ ក៏ដូចជាសាធារណៈជនទទួលជ្រាបជាព័ត៌មាន និងបង្កើនការប្រុងប្រយ័ត្នឲ្យបានខ្ពស់ទាំងអស់គ្នា៕