ការប្រកួតពានរង្វាន់កម្រិតទ្វីបអាស៊ី AFC Cup 2022 វគ្គជម្រុះបឋមជុំទី១ ប្រចាំតំបន់អាស៊ីខាងត្បូងបានបញ្ចប់នៅយប់ថ្ងៃទី៥ ខែមេសា ឆ្នាំ២០២២ ដោយក្រុម Valencia របស់ម៉ាល់ឌីវ និងក្រុម Blue Star SC របស់ស្រីលង្កា ឡើងទៅវគ្គជម្រុះបឋមជុំទី២។
សម្រាប់លទ្ធផលនៃការប្រកួត ឃើញថាគូទី១ក្រុម Machhindra របស់នេប៉ាល់ បានធ្លាក់ក្រោមថ្វីជើងក្រុម Blue Star SC របស់ស្រីលង្កា ក្នុងលទ្ធផល ២-១ នៅកីឡដ្ឋាន Dasharath Rangasala។
ចំណែកគូទី២ក្រុម Valencia របស់ម៉ាល់ឌីវ បានយកឈ្នះក្រុម Paro FC របស់ប៊ូតាន ក្នុងលទ្ធផល ២-១ នៅកីឡដ្ឋានជាតិរបស់ប្រទេសម៉ាល់ឌីវ។
ដូច្នេះក្រុម ATK Mohun Bagan FC របស់ឥណ្ឌា នឹងត្រូវជួបក្រុម Blue Star SC របស់ស្រីលង្កា នៅថ្ងៃទី១២ ខែមេសា វេលាម៉ោង៧:៣០យប់ នៅកីឡដ្ឋាន Vivekananda Yuba Bharati Krirangan។
ខណ:ក្រុម Abahani Limited Dhaka របស់បង់ក្លាដែស នឹងត្រូវជួបក្រុម Valencia របស់ម៉ាល់ឌីវ នៅថ្ងៃទី១២ ខែមេសា វេលាម៉ោង៦:០០ល្ងាច នៅកីឡដ្ឋាន Sylhet District។
ពានរង្វាន់ AFC Cup 2022 បែងចែកជា៥តំបន់ដោយក្នុងនោះមាន ១តំបន់អាស៊ីអាគ្នេយ៍ ២តំបន់អាស៊ីកណ្ដាល ៣តំបន់អាស៊ីខាងត្បូង ៤តំបន់អាស៊ីខាងត្បូង និងអាស៊ីខាងលិច ខណៈតំបន់អាស៊ីខាងកើត នៅមិនទាន់ប្រកួតនៅឡើយទេ៕