ឈីន រតនៈ គឺជាអតីតបេក្ខភាពប្រកួតកម្មវិធី The Voice Cambodia ថ្វីត្បិតតែមិនទទួលបានជោគជ័យ នារីវ័យក្មេងដ៏មានសមត្ថភាពនេះមិនបានបោះបង់ចោលក្ដីសុបិនចង់ក្លាយជាតារារបស់ខ្លួនឡើយ ទីបំផុតប្អូនស្រីបានក្លាយជាតារាចម្រៀងដូចក្ដីប្រាថ្នា ប៉ុន្តែមុននឹងមានឈ្មោះបោះសំឡេងនិងទទួលបានជោគជ័យមានការគាំទ្រច្រើនពីសាធារណជន តារាចម្រៀងរូបនេះឆ្លងកាត់ការមើលងាយនិងឧបសគ្គច្រើនយ៉ាងណាស់។
ពិតណាស់ទម្រាំនឹងទទួលបានជោគជ័យបុគ្គលម្នាក់ៗចាំបាច់ណាស់ត្រូវតែតស៊ូព្យាយាមពុះពារនិងជម្នះឧបសគ្គ
ឱ្យបាន មិនខុសគ្នានោះឡើយសម្រាប់ ឈីន រតនៈ ក៏ដូចគ្នាដែរ។ អ្នកគាំទ្ររបស់កញ្ញា បានចេញមកការពារអាយដលសំណព្វចិត្តរបស់ខ្លួនដោយឆ្លើយតបទៅកាន់អ្នកដែលមិនពេញចិត្ត ឬរិះគន់កញ្ញា ឈីន រតនៈ ថាតារាស្រីរូបនេះប្រឹងប្រែងតស៊ូណាស់ដើម្បីបានល្បីល្បាញ។
ភ្ជាប់ជាមួយនឹងការលើកឡើងរបស់ក្រុមអ្នកគាំទ្រខ្លួនកញ្ញា ឈីន រតនៈបានទទួលស្គាល់ថាទម្រាំតែខ្លួនអាចដើរមកដល់ចំណុចសព្វថ្ងៃនេះគឺប្រឹងប្រែងណាស់ ឆ្លងកាត់ទាំងការមើលងាយនិងឧបសគ្គច្រើន ប៉ុន្តែកញ្ញានៅតែតស៊ូមិនចុះចាញ់បន្តប្រឹងប្រែងដើម្បីតបស្នងចំពោះហ្វេនៗជាកម្លាំងចិត្តដ៏រឹងមាំរបស់កញ្ញា។ កញ្ញាក៏ទទួលស្គាល់ដែរមនុស្សម្នាក់មិនអាចផ្គាប់ចិត្តមនុស្សទាំងអស់នោះទេ ប៉ុន្តែអ្វីដេលកញ្ញាព្យាយាមធ្វើគឺដើម្បីអ្នកស្រលាញ់និងគាំទ្រចំពោះកញ្ញា ជាពិសេសគឺហ្វេនៗរបស់កញ្ញា។
«ជាការពិតមុននិងខ្ញុំបានមកដល់ចំណុចនេះ ខ្ញុំពិតជាខំប្រឹងប្រែងណាស់ ឆ្លងកាត់ការមើលងាយនិងឧបសគ្គជាច្រើន តែខ្ញុំនៅតែតស៊ូមិនចុះចាញ់និងកាន់តែខំប្រឹងប្រែងបន្តទៀត ដើម្បីអ្នកគាំទ្រដែលជាកម្លាំងចិត្តដ៏រឹងមាំរបស់ខ្ញុំ 
ខ្ញុំមិនអាចផ្គាប់ចិត្តមនុស្សគ្រប់គ្នា ឲ្យមកស្រលាញ់ពេញចិត្តខ្ញុំគ្រប់គ្នាទេ ខ្ញុំធ្វើដើម្បីអ្នកស្រលាញ់គាំទ្រខ្ញុំ ជាពិសេសfan របស់ខ្ញុំ ហើយអ្វីដែលខ្ញុំធ្វើក៏មិនបានប៉ះពាល់អ្នកណា ឫក៏ឲ្យអ្នកណាក្តៅក្រហាយដែរ 
ជាចុងក្រោយអរគុណAdmin ទាំងពីនិងFan ជាទីស្រលាញ់ទាំងអស់ដែលតែងតែស្រលាញ់និងនៅក្បែរ IDol ម្នាក់នេះរហូតមក»។
អ្វីដែលម្ចាស់បទ «ក្រមុំដេកយំ មេម៉ាយដើរសើច» រូបនេះបានបង្ហោះចែកចាយលើបណ្ដាញសង្គម ទទួលបានការសរសើរនិងគាំទ្រ ក៏ដូចជាលើកទឹកចិត្តចំពោះការខំប្រឹងប្រែងរបស់តារាស្រីរូបនេះនាពេលកន្លងមកថែមទៀតផង៕
ប្រភព៖ Chhin Ratanak
