ចិន – សមាជិកក្រុមចម្រៀង WJSN កញ្ញា Meng Meiqi កំពុងរងការចោទប្រកាន់យ៉ាងធ្ងន់ធ្ងរថាបានចម្លងតាម Style ចម្រៀងរបស់ Taylor Swift តាមរយៈបទចម្រៀងចេញថ្មីរបស់ខ្លួនដែលទើបតែនឹងចេញ។ តើ Meiqi ពិតជាចម្លងតាមចម្រៀងរបស់ Taylor Swift មែនឬ?
តារាចម្រៀងចិន Meng Meiqi អតីតសមាជិក WJSN ដែលបានផ្អាកសកម្មភាពសិល្បៈមួយរយៈបានត្រលប់មកចេញអាល់ប៊ុមចម្រៀងទោលជាលើកដំបូងរបស់ខ្លួនកាលពីថ្ងៃទី២ ខែមេសា កន្លងទៅដោយមានឈ្មោះអាល់ប៊ុមថា «Suffering ឬការឈឺចាប់»
ក្រោយពេលដែលអាល់ប៊ុមចម្រៀងទោលពិសេសវីដេអូចម្រៀងបទ «Suffering» ទទួលបានការគាំទ្រហើយបានឡើងទៅឈរលើលំដាប់ទី៧ជាបទចម្រៀងដែលត្រូវបានអ្នកគាំទ្រចុចស្វែងរកច្រើនជាងគេបំផុតនោះ បានធ្វើឱ្យបទនេះក្លាយជាទីចាប់អារម្មណ៍របស់ក្រុមអ្នកលេងអ៊ិនធឺណិត។
បន្តមកទៀតស្រាប់តែវីដេអូបទចម្រៀងរបស់តារាស្រីរូបនេះត្រូវបានគេចោទប្រកាន់ថាបានលួចចម្លងតាមបទចម្រៀងរបស់ Taylor Swift ដែលជាបទចម្រៀងល្បីល្បាញមានចំណងជើងថា «Look What You Made Me Do»។
គេបានលើកឡើង៣ចំណុចសំខាន់ៗដែលមានភាពស្រដៀងគ្នាខ្លាំងរវាងវីដេអូចម្រៀងរបស់តារាស្រីរូបនេះនិងបទចម្រៀងរបស់ Taylor Swift ដែលបានចេញតាំងពីឆ្នាំ២០១៧។ មួយចំណុចដែលគេយកមកប្រៀបធៀបគ្នាគឺចំណុចដែល Meng Meiqi ស្ថិតនៅលើមនុស្សទាំងអស់ហើយមនុស្សទាំងនោះព្យាយាមឈោងមករកនាង ដែលត្រង់នេះគេយកទៅប្រៀបនឹងឈុតដែល Taylor ឈរនៅរូបកាយរបស់ខ្លួនពីអតីតកាលទាងអស់។
ចំណុចទីពីរត្រង់ចំណុចដែល Meng Meiqi ស្លៀកឈុតក្រហម ហើយអង្គុយកៅអី ដោយត្រង់នេះយកទៅធៀបជាមួយនឹងឈុតដែល Taylor អង្គុយនៅលើបល្ល័ង្គពណ៌មាសហើយស្លៀកឈុតរ៉ូបក្រហម។
ចំណុចចុងក្រោយគឺត្រង់ចំណុចដែល Meng Meiqi ជាប់នៅក្នុងទ្រុងពណ៌ខ្មៅ ខណៈដែលបទចម្រៀងរបស់ Swift នាងជាប់នៅក្នុងទ្រុងដូចគ្នាប៉ុន្តែជាទ្រុងមាស៕
ទស្សនាបទចម្រៀង Suffering របស់ Meng Meiqi ខាងក្រោម៖
ទស្សនាបទចម្រៀង Look What you made me do របស់ Taylor Swift ខាងក្រោម៖
ប្រភព៖ KpopStarz
