អាមេរិក – តារាចម្រៀងល្បី Britney Spears កំពុងតែប្រយុទ្ធក្នុងចម្បាំងថ្មីមួយទៀត ដោយលើកនេះតារាចម្រៀងរូបនេះបានបដិសេធមិនព្រមបង់ថ្លៃចំណាយផ្នែកច្បាប់ដែលមានទឹកប្រាក់រហូតដល់ ៦៦០,០០០$ ដុល្លារ ដែលស្នើដោយលោកស្រី Lynne Spears (អ្នកម្ដាយបង្កើតរបស់អ្នកនាង)។
លោក Mathew Rosegart ដែលជាមេធាវីរបស់តារាចម្រៀងល្បីបានឡើងតុលាការក្នុងសប្ដាហ៍ដើម្បីបដិសេធមិនព្រមបង់ថ្លៃចំណាយផ្នែកច្បាប់ជំនួសម្ដាយរបស់តារាចម្រៀងនេះនោះទេ។ នៅក្នុងលិខិតដែលមេធាវីរូបនោះដាក់ចូលទៅតុលាការបានលើកឡើងថា «រយៈពេលរាប់សិបទស្សវត្សរ៍ហើយដែលម្ចាស់បទ My heart Will Go on រូបនេះបានដើរតួនាទីជាមេគ្រួសាររកប្រាក់ចិញ្ចឹមបីបាច់អ្នកផ្ទះរបស់ខ្លួន»។
សម្រាប់ពាក្យបណ្ដឹងទាមទាមររបស់លោកស្រី Lynne មិនមានឯកសារច្បាប់ណាមួយគាំទ្រនោះឡើយ ដើម្បីឱ្យលោកស្រីអាចប្រមូលផ្ដុំប្រាក់ពីអចលនទ្រព្យរបស់ Spears ព្រោះ Britney បានចំណាយប្រាក់ប្រមាណ ១,៧លានដុល្លារអាមេរិកជួយដល់ចំណាយការរស់នៅរបស់ម្ដាយខ្លួន។
មេធាវីនោះបានបន្តទៀតថា លោកស្រី Lynne បានរស់នៅផ្ទះធំ មានតម្លៃថ្លៃរបស់ Britney Spears ក្នុងតំបន់ Kentwood ដោយក្នុងនោះ Britney បានចាយលើថ្លៃផ្សេងដូចជាសេវាទូរស័ព្ទ,ថ្លៃធានារ៉ាប់រង,ថ្លៃពន្ធលើអចលនទ្រព្យ,និងតំហែទាំរក្សាផ្សេងរបស់ផ្ទះ។
មេធាវីដដែលបានលើកឡើងឪពុករបស់ខ្លួនគឺលោក Jamie Spears គឺមានប្រវត្តិចាត់ចែងហិរញ្ញវត្ថុរបស់តារាចម្រៀងរូបនេះមិនបានសមប្រកបដោយលោកធ្លាប់បានក្ស័យធុនមុននឹងកូនស្រីខ្លួនល្បីល្បាញហើយទទួលបានប្រាក់ចំណូលច្រើន ក្នុងនោះលោក Jamie ថែមទាំងរកបានប្រាក់៦លានដុល្លារ ខណៈដែលលោកទទួលបានសិទ្ធិគ្របគ្រងចាត់ចែងលើទ្រព្យសម្បត្តិរបស់កូនស្រី។
ថ្មីៗនេះ Britney ធ្លាប់បានហៅម្ដាយរបស់ខ្លួននៅលើ IG ដោយនិយាយថាម្ដាយរបស់ខ្លួនអាក្រក់ជាងម្ដាយអប្រិយក្នុងភាពយន្តដែលអ្នកនាងបានសម្ដែងផងដែរ។ ជាងនោះទៀត Spears បានចែកឃ្លីបវិដេអុមួយដែលបង្ហាញពីតួអង្គរបស់ខ្លួនកំពុងតែអង្គុយយំនៅលើឥដ្ឋក្នុងបន្ទប់ទឹក ហើយត្រូវបានគេប្រាប់ថានាងគ្មានអ្នកណាចង់បាននោះទេ វត្តមានរបស់នាងគឺជាការភ្លាត់ស្នៀតរបស់ម្ដាយដែលសម្ដែងដោយតារាសម្ដែង Kim Cattrall។
ប៉ុន្តែក្រោយមក Spears បានកែសម្រួល Caption របស់ខ្លួននៅលើ Instagram វិញថា៖ «ឈុតនៅក្នុងភាពយន្តដែលខ្ញុំបានសម្ដែង។ នៅពេលដែលខ្ញុំបានផ្សងព្រេងដើម្បីស្វែងរកម្ដាយរបស់ខ្ញុំ ប៉ុន្តែគាត់មិនចង់ជួបខ្ញុំនោះទេ។ ពិតជាខ្លោចផ្សារចិត្តណាស់!!! ប៉ុន្តែរឿងនេះវានៅអាក្រក់តិចជាងអ្វីដែលម្ដាយបង្កើតបានធ្វើដាក់ខ្ញុំនៅក្នុងជីវិតពិត….៕
ប្រភព៖ nzherald
