ខ្សែប្រយុទ្ធ Son Heung-min បច្ចុប្បន្នកំពុងលេងឲ្យក្លិបបាល់ទាត់ Tottenham Hotspur សមាជិកលីគកំពូលរបស់ប្រទេសអង់គ្លេស English Premier League បានបញ្ចប់ការងារស្ម័គ្រចិត្តចំនួន៥៤៤ម៉ោង ក្នុងការបំពេញកាតព្វកិច្ចយោធា នៅក្នុងប្រទេសកូរ៉េខាងត្បូង។
តាមពិតទៅ Son Heung-min បានគេចផុតពីការបំពេញកាតព្វកិច្ចយោធារយៈពេលជិត២ឆ្នាំ បន្ទាប់ពីជួយឲ្យក្រុមបាល់ទាត់ជម្រើសជាតិកូរ៉េខាងត្បូង ឈ្នះមេដាយមាសក្នុងព្រឹត្តិការណ៍ Asian Games កាលពីឆ្នាំ២០១៨ នៅទីក្រុងហ្សាការតា ប្រទេសឥណ្ឌូណេស៊ី
ដូច្នេះការបំពេញកាតព្វកិច្ចយោធារបស់ Son Heung-min ថយមកត្រឹម៥៤៤ម៉ោងហើយកីឡាករវ័យ២៩ឆ្នាំរូបនេះអាចចូលរួមតែពេលទំនេរប៉ុណ្ណោះដូចជា FIFA Day ជាដើម៕
