ប្រេស៊ីល – សារព័ត៌មានបរទេសបានផ្សព្វផ្សាយរឿងរ៉ាវរបស់ Arthur Urso អ្នកបង្ហាញម៉ូដជនជាតិប្រេស៊ីល ដែលធ្លាប់ត្រូវបានសារព័ត៌មានផ្សាយយ៉ាងគគ្រឹកគគ្រេងពេលគេរៀបការមានភរិយារហូតដល់៩នាក់ ហើយរស់នៅក្នុងជីវិតប្ដី១ ប្រពន្ធ៩ យ៉ាងរីករាយ ទោះជាការប្រើប្រាស់ជីវិតអាពាហ៍ពិពាហ៍បែបនេះនៅមិនទាន់ស្របច្បាប់ក្នុងប្រទេសប្រេស៊ីលក្ដី។
ថ្មីៗនេះតារាម៉ូដែលរូបសង្ហានិងភរិយាទាំងអស់របស់គេបានត្រលប់មកបង្ហាញវត្តមានលើសារព័ត៌មានជាថ្មីម្ដងទៀតនោពេលដែលលោកត្រូវភរិយាម្នាក់ឈ្មោះ Agatha បានស្នើសុំលែងលះលោកដោយសារតែមិនចង់ប្រើប្រាស់ជីវិតប្ដីមួយប្រពន្ធច្រើនបែបនេះជាបន្តទៀត។
«នាងចង់បានខ្ញុំតែម្នាក់ឯង រឿងនេះពិតជាអត់ប្រយោជន៍ទាល់តែសោះ» សម្ដី Arthur បានផ្ដល់សម្ភាសន៍ជាបន្តទៀតថា «ខ្ញុំពិតជាឈឺចាប់និងសោកសៅណាស់ដែលត្រូវបញ្ចប់សម្ព័ន្ធភាពជាមួយនឹងភរិយា ប៉ុន្តែនៅពេលនឹកដល់រឿងដែលនាងចោទប្រកាន់ខ្ញុំ ខ្ញុំពិតជាពិបាកនឹងជឿណាស់»។
បុរសជាតារាបង្ហាញម៉ូដរូបនេះបានបញ្ជាក់បន្ថែមទៀតថាភរិយាទាំង៨នាក់ដែលនៅសេសសល់របស់ខ្លួនក៏មិនពេញចិត្តចំពោះរឿងនេះដូចគ្នាហើយគិតថាជារឿងល្អដែល Agatha សម្រេចចិត្តដើរចេញដោយខ្លួនឯង ព្រោះមុននេះគ្រប់គ្នាបានព្រមព្រៀងគ្នាហើយថានឹងប្រើប្រាស់ជីវិតរួមគ្នាដោយមានគោលដៅតែមួយគឺតស៊ូប្រឈមនឹងឧបសគ្គនៃជីវិតគូបែប «សេរី» មិនមែនការប្រើប្រាស់អារម្មណ៍ផ្សារភ្ជាប់គ្នារបៀបគ្របគ្រងតែម្នាក់ៗដូចគូគេផ្សេងនោះឡើយ។
បុរសដែលសល់ត្រឹមប្រពន្ធ៨នាក់រូបនេះបានបន្តទៀតថា លោកនឹងមិនឈឺចាប់យូរពេកទេព្រោះលោកបានដាក់គោលដៅរួចហើយថានឹងរៀបការជាមួយនឹងនារី២នាក់ទៀត ដើម្បីធ្វើតាមការតាំងចិត្តយកប្រពន្ធឱ្យគ្រប់១០នាក់ ហើយមានកូនរាប់សិបនាក់បន្ថែមទៀត។
យោងតាមសារព័ត៌មាន Daily Mail បានផ្សាយថា Arthur មានក្ដីស្រលាញ់ចំពោះប្រពន្ធរបស់លោកទាំងអស់ស្មើៗគ្នា៕
ប្រភព៖ ndtv
