អាមេរិក – តារាចម្រៀងប៉ុប Britney Spears កំពុងតែពពោះកូនដំបូងជាមួយនឹងគូដណ្ដឹង Sam Asghari បុរសដែលអ្នកនាងបានហៅថាស្វាមីនៅក្នុងសេចក្ដីប្រកាសដំណឹងល្អរបស់ខ្លួន។ តារាចម្រៀងរូបនេះបានចែករំលែកដំណឹងល្អរបស់ខ្លួនលើប្រព័ន្ធទំនាក់ទំនងសង្គម Instagram។
«ខ្ញុំស្រកគីឡូជាច្រើនដោយសារតែខ្ញុំទៅដើរកម្សាន្តនៅ Maui ប៉ុន្តែពេលត្រលប់មកវិញខ្ញុំគិតថាខ្ញុំឡើងគីឡូ…ខ្ញុំគិតថាតើក្បាលពោះខ្ញុំកើតអី?» តារារូបនេះបន្តទៀតថា «ស្វាមីរបស់ខ្ញុំនិយាយថាខ្ញុំពពោះអាហារ ដូច្នេះខ្ញុំបានទៅយកឧបករណ៍តេស្ដគក៌មក…ហើយលទ្ធផលគឺ…ខ្ញុំកំពុងតែមានទម្ងន់!»
តាមពិតទៅ Britney Spears ធ្លាប់មានកូនពីរនាក់ជាមួយនឹងអតីស្វាមីលោក Kevin Federline នៅក្នុងដំណាក់កាលនៃទម្ងន់ដំបូងនេះ Britney និយាយថាខ្លួននឹងចេញក្រៅឱ្យតិចជាងមុនដើម្បីគេចពីការចាប់អារម្មណ៍របស់ Paparazzi (ក្រុមប្រម៉ាញ់រូបតារា)។
ដំំណឹងល្អនេះកើតឡើងបន្ទាប់ពីបញ្ចប់ដោយជោគជ័យនូវជម្លោះទាមទារបញ្ចប់សិទ្ធិការគ្របគ្រងនិងក្ដោបក្ដាប់លើហិរញ្ញវត្ថុនិងជីវិតរបស់តារាស្រីនេះរយៈពេល១៣ឆ្នាំដោយឪពុករបស់នាង។ កាលពីខែវិច្ឆិកាកន្លងទៅតុលការ Los Angeles បានផ្ដល់សិទ្ធិចាត់ចែងលើសុខភាព អចលនទ្រព្យនិងហិរញ្ញវត្ថុ ក៨ដូចសិទ្ធិសេរីភាពក្នុងការនិយាយតបតចំពោះអ្វីដែលនាងនិយាយថាមិនទទួលបានការមើលថែទាំល្អដិតដល់ពីគ្រួសារក្នុងពេលស្ថិតក្រោមការគ្រប់គ្រងនិងមើលថែដោយឪពុករបស់នាងនោះឡើយ។
ជាទូទៅ Britney Spears តែងតែប្រើប្រាស់បណ្ដាញទំនាក់ទំនងសង្គមដើម្បីចែករំលែកពីរឿងរ៉ាវក្នុងជីវិតថ្មីរបស់ខ្លួន៕
