ក្រុមជម្រើសជាតិសិង្ហបុរីឈុតបុរស កោះហៅកីឡាករ២៧នាក់ដើម្បីចូលរួមប្រកួតព្រឹត្តិការណ៍កីឡាស៊ីហ្គេមលើកទី៣១ ក្នុងរដ្ឋធានីហាណូយ ប្រទេសវៀតណាម ចាប់ពីថ្ងៃទី១២ ដល់២៣ ខែឧសភា ឆ្នាំ២០២២។
ក្នុងចំណោមកីឡាករ២៧នាក់មានកីឡាករឆ្នើមវង្សត្រកូល Fandi (កូនប្រុសលោក Fandi Ahmad ដែលជាអតីតសមាជិករបស់ក្រុមជម្រើសជាតិសិង្ហបុរី ដ៏ល្បីល្បាញមួយរូបចន្លោះឆ្នាំ១៩៧៩/៩៧) ដូចជា៖
– Ilhan Fandi កើតនៅឆ្នាំ២០០២ ជាខ្សែបម្រើ-ប្រយុទ្ធ នៅក្នុងក្រុម Young Lions ក្នុងលីគសិង្ហបុរី វ័យ១៩ឆ្នាំ។
– Irfan Fandi កើតនៅឆ្នាំ១៩៩៧ ខ្សែប្រយុទ្ធរបស់ក្រុម BG Pathum United លីគកំពូលរបស់ប្រទេសថៃ វ័យ២៤ឆ្នាំ(កីឡាករលើសអាយុ)។
ក្រុមជម្រើសជាតិសិង្ហបុរី ស្ថិតនៅពូល B ជាមួយ ថៃ, ម៉ាឡេស៊ី, កម្ពុជា និង ឡាវ ខណ:ពូល A មានវៀតណាម, ឥណ្ឌូណេស៊ី, មីយ៉ាន់ម៉ា, ហ្វីលីពីន និង ទីម័រខាងកើត។
កម្ពុជា vs សិង្ហបុរី (ថ្ងៃពុធ ទី១១ ខែឧសភា ឆ្នាំ២០២២)
