បាត់ដំបង៖ បុរសម្នាក់ផ្ទេរសាំងចូលដបក្បែរភ្លើងចង្ក្រាន បណ្តាលឲ្យឆាបឆេះរាលដល់រោងលក់ចាប់ហួយបំផ្លាញអស់ទ្រព្យសម្បត្តិជាង ២៨លានរៀល។
នគរបាលបានបញ្ជាក់ប្រាប់ឲ្យដឹងថា ហេតុការណ៍ឆេះរោងលក់ចាប់ហួយនេះបានកើតឡើងកាលពីវេលាម៉ោងជាង ៩:០០នាទីព្រឹក ថ្ងៃទី២០ ខែមេសា ឆ្នាំ២០២២ ឋិតនៅត្រង់ចំណុចក្រុមទី៧ ភូមិរាមគន់ ឃុំគារ ស្រុកមោងឫស្សី ខេត្តបាត់ដំបង។
ម្ចាស់ផ្ទះឈ្មោះអ៊ាង សុផន ភេទប្រុស អាយុ ៦៦ឆ្នាំ រស់នៅភូមិ/ឃុំកើតហេតុខាងលើ។ ហើយនៅព្រឹកកើតហេតុគាត់បានយកប៊ីដុងប្រេងសាំងមកចាក់ផ្ទេរចូលដបទុកសម្រាប់លក់ដូចរាល់ដង ប៉ុន្តែថ្ងៃនេះគាត់មិនបានចាប់អារម្ម ណ៍ថាមានភ្លើងនៅក្នុងចង្ក្រានដែលកំពុងឆេះ ទើបបណ្តាលឲ្យឆាបឆេះយ៉ាងសន្ធោសន្ធៅ សូម្បីតែគាត់រត់គេចមិនចង់ទាន់ផង។
ក្នុងករណីនេះផងដែរបានធ្វើឲ្យខូចខាតសម្ភារ:ប្រើប្រាស់ អីវ៉ាន់ផ្សេង រួមទាំងម៉ូតូចំនួន ០៣គ្រឿង ក្នុងនោះម៉ូតូម៉ាកហុងដាទ្រីម ១គ្រឿង, ម៉ូតូម៉ាកហុងដាគុប ០១គ្រឿង, ម៉ូតូម៉ាកហុងដាឃ្លីក ០១គ្រឿងទៀត និងទ្រព្យសម្បត្តិជាច្រើនទៀតសរុបជាទឹកប្រាក់អស់ចំនួន ២៨លានរៀល៕
អត្ថបទ៖ដំបងក្រញូង
