ក្លិបបាល់ទាត់បិសាចក្រហម Manchester United បានប្រកាសតែងតាំងលោក Erik Ten Hag ជាគ្រូបង្វឹកផ្លូវការក្រោយចប់រដូវកាលនេះ ពោលគឺនៅរដូវកាល ២០២២/២៣ តទៅ ជាមួយកិច្ចសន្យារហូតដល់ឆ្នាំ ២០២៥។
គ្រូបង្វឹកសញ្ជាតិហូឡង់ វ័យ៥២ឆ្នាំរូបនេះនឹងទទួលបានថវិកាជាង ២០០លានផោនពីត្រកូល Glazer ដើម្បីទិញកីឡាករដូចជា Antony, Declan Rice និង Victor Osimhen ជាដើម ដើម្បីយកមកពង្រឹងក្លិបឲ្យងើបមុខងើបមាត់សារជាថ្មី បន្ទាប់ពីខកខានឈ្នះពានជាច្រើនឆ្នាំ។
ក្រុម Man United បានបង់ប្រាក់ចំនួន២លានអឺរ៉ូទៅកាន់ក្រុម Ajax ដើម្បីផ្តាច់កុងត្រាលោក Erik Ten Hag មុនពេលកំណត់ និងជំនួយការគ្រូបង្វឹកលោក Mitchell van der Gaag ផងដែរ ដោយសារតែលោកនៅសល់កិច្ចសន្យារហូតដល់ថ្ងៃទី៣០ ខែមិថុនា ឆ្នាំ២០២៣ ឯណោះ៕