អាមេរិក -កំលោះជាអ្នកវិទ្យាសាស្ត្រមួយរូបបានរកឃើញសត្វល្អិតប្រភេទថ្មីមួយ ហើយបានដាក់ឈ្មោះសត្វល្អិតប្រភេទដែលទើបរកឃើញថ្មីនេះតាមសិល្បករតន្ត្រីដែលខ្លួនស្រលាញ់ ដោយដាក់តាមឈ្មោះ Taylor Swift។
តារាចម្រៀងពេញសមត្ថភាព Taylor Swift គឺជាតារាគុណភាពដែលទទួលបានពានរង្វាន់ Grammy និង America Music Awards ច្រើនរាប់មិនអស់ ប៉ុន្តែសម្រាប់រង្វាន់ថ្មីដែលតារាចម្រៀងប៉ុបលំដាប់ពិភពលោកបានទទួលគឺជារង្វាន់ប្លែកបំផុតទីមួយ ព្រោះអ្នកវិទ្យាសាស្ត្រម្នាក់ (Derek Hennen) បានដាក់ឈ្មោះសត្វដង្កូវមួយប្រភេទថ្មីដែលទើបនឹងរកឃើញថា Taylor Swift ព្រោះលោកគឺជា Swifties (ឈ្មោះក្រុមអ្នកគាំទ្រ) ហើយចង់ដាក់ឈ្មោះនេះដើម្បីកិត្តិយសដល់តារាដែលខ្លួនពេញចិត្ត ទើបលោកបានដាក់ឈ្មោះសត្វដង្កូវមួយប្រភេទដែលទើបរកឃើញថ្មីនេះថា Nannaria Swiftea។
អ្នកវិទ្យាសាស្ត្ររូបនោះបានបង្ហើបថា «បទចម្រៀងនិងតន្ត្រីរបស់ Swift បានជួយឱ្យលោកឆ្លងឆ្លងផុតការលំបាកមកបាន ដូច្នេះហើយពេលនេះគឺប្រៀបដូចជាការតបស្នងសងគុណបន្តិចបន្តួចដែលខ្ញុំអាចប្រគល់ជូនតារាចម្រៀងក្នុងដួងចិត្ត សម្រាប់សេចក្ដីសុខដែលបានផ្ដល់ឱ្យខ្ញុំកន្លងមក។
អ្នកវិទ្យាសាស្ត្រដដែលនេះបាននិយាយទៀតថា «ការដាក់ឈ្មោះសត្វដង្កូវប្រភេទថ្មីជាឈ្មោះថ្មីរបស់នរណាម្នាក់ សម្រាប់អ្នកវិទ្យាសាស្ត្រចាត់ទុកថាជាផ្ដល់កិត្តិយសយ៉ាងធំធេង និងសង្ឃឹមថា Taylor Swift បានដឹងរឿងរ៉ាវមួយនេះ ហើយនឹងសម្លឹងឃើញថាជារឿងល្អនិងប្រើប្រាស់ឱកាសនេះដើម្បីស្វែងយល់ពីសត្វដង្កូវមួយប្រភេទនេះបន្ថែមទៀត។
Derek Hennen បានរកឃើញសត្វដង្កូវប្រភេទថ្មីនេះនៅឧទ្យានជាតិ Fall Creek ក្នុងរដ្ឋ Tennessee ដែលជារដ្ឋតែមួយដែល Taylor Swift បានផ្លាស់ទៅនៅដើម្បីតាមចាប់អាជីពច្រៀងចម្រៀងតាមក្ដីសុបិនរបស់ខ្លួន៕
About that new millipede, named by @derekhennen for Taylor Swift @taylorswift13 – and why celebrity namings can be a Good Thing for the science of species discovery https://t.co/mwOqzgS3v7
— Stephen Heard (@StephenBHeard) April 26, 2022
ប្រភព៖ sportskeeda
