ចៅក្រមស៊ើបសួរ នៃសាលាដំបូងរាជធានីភ្នំពេញ លោកលិ សុខា កាលពីថ្ងៃទី ២៧ ខែ មេសា ឆ្នាំ ២០២២នេះ បានចាប់ និង បង្គាប់ឱ្យឃុំខ្លួន ឈ្មោះ សៀម ភ្លុក ភេទ ប្រុស អាយុ ៥២ ឆ្នាំជាតំណាងស្ថាបនិក នៃ គណបក្ស បេះដូងជាតិ និង បញ្ជូនខ្លួនគាត់ ទៅឃុំខ្លួនបណ្ដោះអាសន្ននៅក្នុងពន្ធនាគារ “ម១” (គុកព្រៃស) ដើម្បីរង់ចាំ ដោះស្រាយតាមផ្លូវច្បាប់ ជាប់ពាក់ព័ន្ធនឹងបទល្មើស ក្លែងបន្លំ និង ប្រើប្រាស់លិខិតក្លែង ក្នុងការបង្កើតគណបក្សបេះដូងជាតិ ប្រព្រឹត្តក្នុងកំឡុងឆ្នាំ ២០២១។
នេះបើយោងតាមដីការបស់លោកចៅក្រមស៊ើបសួរ លិ សុខា ចុះកាលបរិច្ឆេទ ថ្ងៃទី ២៧ ខែ មេសា ឆ្នាំ ២០២២។
ក្រសួងមហាផ្ទៃ កាលពីថ្ងៃទី០២ ខែមីនា ឆ្នាំ២០២២បានចេញប្រកាសមួយដោយសម្រេចលុបឈ្មោះ «គណបក្ស បេះដូងជាតិ» ចេញពីបញ្ជីគណបក្សនយោបាយក្រោយពីក្រសួងរកឃើញថា បានរកឃើញអំពីភាពមិនប្រក្រតី ក្នុងការប្រមូលស្នាមេដៃ ដើម្បីស្នើសុំចុះបញ្ជីរបស់គណបក្សបេះដូងជាតិ៕
