អ្នកចាំទី នុន ណាត ប្ដេជ្ញាពាក់អាវក្រុមជម្រើសជាតិម្ដងទៀតនៅឆ្នាំក្រោយ បន្ទាប់ពីរបូតកៅអី U23កម្ពុជា

អ្នកចាំទីរបស់ក្រុមអង្គរថាយហ្គឺរ នុន ណាត គឺជាកីឡាករទី៤ បន្ទាប់ពី វឿន វ៉ា, ភឹម តាយសិញ និង ឈៀង វិស៊ីនុ ដែលត្រូវបានលោក Keisuke Honda កាត់ឈ្មោះចេញពីបញ្ជី ២៦នាក់ របស់ក្រុមជម្រើសជាតិកម្ពុជា អាយុក្រោម២៣ឆ្នាំ ត្រៀមទៅប្រកួតព្រឹត្តិការណ៍សុីហ្គេម លើកទី៣១ នៅវៀតណាម។

អ្នកចាំទី នុន ណាត បានថ្លែងលើគណនីហ្វេសប៊ុកថា៖«ខ្ញុំមកទីនេះដោយសង្ឃឹមនឹងឆន្ទៈ ប្រឹងអស់ពីលទ្ធភាព ទោះបរាជ័យក៏មិនបាក់ទឹកចិត្ត, ឆ្នាំក្រោយនឹងប្ដេជ្ញាពាក់អាវនេះម្ដងទៀត»៕