រូបភាពដ៏ស្និតស្នាលគ្នាមួយសន្លឹករវាង King of Fast តារាចម្រៀងរ៉ែបល្បី G-Devith និងតារាចម្រៀងនិយមលេងស្ទីលប្លែកៗ ENO កំពុងតែក្លាយជាប្រធានបទក្ដៅក្នុងចំណោមអ្នកគាំទ្រ។
កាលពីថ្ងៃទី៣ ខែឧសភា តារាចម្រៀងដែលជាថៅកែលក់ឡានកំពុងកាក់កប ENO បានបង្ហោះរូបភាពស្និតស្នាលជាមួយនឹងតារាចម្រៀងរ៉ែប G-Devith នៅក្នុងភោជនីយដ្ឋានមួយកន្លែងព្រមជាមួយនឹងសំណេរគួរឱ្យសង្ស័យដូចជាបង្កប់ន័យអ្វីម្យ៉ាងថា៖ «គ្រាន់ញ៉ាំអាហារពេលល្ងាច ជាមួយលោកប្អូនទេ។ សំខាន់ សច្ចធម៌ ស្មោះត្រង់ ដូចគ្នា»
ក្រោយរូបភាពរបស់តារាចម្រៀងទាំងពីរដួងនេះត្រូវបានបង្ហោះនៅលើបណ្ដាញទំនាក់ទំនងសង្គម ធ្វើឱ្យអ្នកគាំទ្ររបស់តារាទាំងពីរចូលមកខមមិនយ៉ាងច្រើន ក្នុងនោះមានមតិភាគច្រើនបានបង្ហាញក្ដីសង្ឃឹមថាតារាទាំងពីរនាក់នេះអាចនឹងមានបទចម្រៀងថ្មីច្រៀងរួមគ្នាជាក់ជាមិនខាន។
ប្រសិនបើតារាទាំងពីរនេះពិតជាច្រៀងរួមគ្នាមែននោះ អ្នកគាំទ្រប្រាកដជាអាចបានស្ដាប់និងទស្សនាបទចម្រៀងដែលមានលក្ខណៈប្លែកថ្មី ឬអាចនិយាយបានថារសជាតិមួយបែបដែលអ្នកគាំទ្រនៅកម្ពុជាមិនធ្លាប់បានទស្សនា៕
អត្ថបទទាក់ទង៖