អស់រយៈកាលជិត២ទសវត្សហើយដែលក្លិបជាច្រើននៅលីគកំពូលកម្ពុជា បានទៅចូលរួមប្រកួតប្រជែងដណ្ដើមយកពានរង្វាន់ប្រចាំទ្វីបអាស៊ី AFC President’s Cup ប៉ុន្តែមានតែម្ចាស់ជើងឯកលីគកំពូល៧សម័យកាល ភ្នំពេញក្រោន មួយប៉ុណ្ណោះអាចកាត់ព្យុះកាត់ភ្លៀងឈានទៅដល់វគ្គផ្ដាច់ព្រ័ត្រជាប្រវត្តិសាស្ត្រសម្រាប់ក្លិបបាល់ទាត់កម្ពុជា។
ប្រធានក្លិបបាល់ទាត់ភ្នំពេញក្រោន លោកឧកញ៉ា ឬទ្ធី សំណាង គឺជាចៅកែក្លិបបាល់ទាត់ខ្មែរដំបូងគេ ឡើងទៅកាន់វគ្គផ្តាច់ព្រ័ត្រកម្រិតទ្វីបអាសុី AFC President’s Cup រដូវកាល ២០១១ ក្រោយយកឈ្នះក្រុម Yadanarbon របស់មីយ៉ាន់ម៉ា ៤ទល់០ នៅវគ្គពាក់កណ្តាលផ្តាច់ព្រ័ត្រ។
ប៉ុន្តែលទ្ធផលក្នុងវគ្គផ្តាច់ព្រ័ត្រ ភ្នំពេញក្រោន បានចាញ់ម្ចាស់ផ្ទះ Taiwan Power Company ៣ទល់២ គ្រានោះជាលទ្ធផលចាញ់ទាំងមិនអស់ចិត្តហើយឈានដល់ការប្រវាយប្រតប់គ្នាទៀតផងបន្ទាប់ពីចប់ការប្រកួត។ ម៉្យាងវិញនោះ អាជ្ញាកណ្ដាលហាក់មានភាពឆកល្វែងយ៉ាងខ្លាំងលើការកាត់សេចក្ដីមិនឲ្យបាល់ពិន័យប៉េណាល់ទីទៅ ក្រោន ស្របពេលខ្សែការពាររបស់ក្រុមម្ចាស់ផ្ទះ ទាត់ជើងកីឡាករ រដ្ឋានា ពីក្រោយពេញទំហឹងក្នុងប្រអប់គ្រោះថ្នាក់៕
ចង់ដឹងកាន់តែច្បាស់ទស្សនាវីដេអូខាងក្រោម៖