កូរ៉េខាងត្បូង – Jennie និង Irene ត្រូវបានអ្នកគាំទ្រប្រទះឃើញណាត់ជួបគ្នានិងញ៉ាំកាហ្វេនៅ LA ដោយរូបភាពអ្នកទាំងពីរត្រូវបានបណ្ដាញព័ត៌មានជាច្រើនផុសនៅលើអនឡាញ។
រូបភាពដែលត្រូវបានបង្ហោះចែកចាយនោះ Irene បានថតរូប Jennie ខណៈដែលអ្នកទាំងពីរអង្គុយទល់មុខគ្នា។ ក្នុងនោះ Jennie ថែមទាំងបានបង្ហោះរូបភាពមួយចំនួននៅលើ Instagram ដែលរូបទាំងនោះត្រូវបានអ្នកគាំទ្រសង្ស័យថាអាចជារូបថតដោយ Irene ក៏ថាបាន។
នៅក្នុងរូបភាពដែលអ្នកលេងបណ្ដាញសង្គមបង្ហោះចេញមកនោះបានបង្ហាញឱ្យឃើញថាអ្នកទាំងពីរកំពុងតែដណ្ដើមគ្នាចេញប្រាក់ប៉ាវថ្លៃអាហារគ្នា។ នៅក្នុងរូបទីមួយ Jennie និង Irene ម្នាក់ៗបានព្យាយាមក្ដោបយក Bill (វិក័យបត្រ) មកគិតប្រាក់។ ចំណែករូបទីពីរឃើញថា Jennie បានយកកាតធនាគាររបស់នាងដាក់ទៅលើវិក័យបត្រ ហើយតាមរយៈរូបភាពនេះគេសន្និដ្ឋានបានថានាងគឺជាអ្នកឈ្នះក្នុងការដណ្ដើមគ្នាចេញលុយលើកនេះ។
មិត្តភាពរវាង Jennie និង Irene ចាប់ផ្ដើមមានការចាប់អារម្មណ៍ពីមហាជននិងបណ្ដាញសារព័ត៌មាននៅមុនពេលការប្រគំតន្ត្រីមួយ ដោយកាលនោះគេថតបានរូបអ្នកទាំងពីរកំពុងឱបគ្នា និងធ្វើសញ្ញាបេះដូងដោយដៃរបស់អ្នកទាំងពីរថែមទៀត។
រូបភាពនៃមិត្តភាពរបស់អ្នកទាំងពីរនេះពិតជាធ្វើឱ្យអ្នកគាំទ្រកក់ក្ដៅបេះដូងយ៉ាងខ្លាំង ព្រោះមិត្តភាពនេះរឹងមាំខ្លាំងរហូតធ្វើឱ្យបុគ្គលល្បីដែលមានតារាការងារដ៏មមាញឹកទាំងពីររូបសុខចិត្តឆ្លៀតពេលរត់មកជួបគ្នា ទោះជានៅលើទឹកដីបរទេសក្ដី៕