នៅយប់ថ្ងៃទី១ ខែមិថុនា ឆ្នាំ២០២២ ក្រុមជម្រើសជាតិហុងកុង និងអាហ្វហ្គានីស្ថាន ដែលស្ថិតក្នុងពូល D ជាមួយកម្ពុជា ក្នុងវគ្គជម្រុះជើងឯកប្រចាំទ្វីបអាស៊ី 2023 AFC Asian Cup ជុំទី៣ មានការប្រកួតមិត្តភាពកម្តៅសាច់ដុំយប់នេះ។
ក្រុមជម្រើសជាតិ ហុងកុង ជួបជាមួយ ម៉ាឡេស៊ី នៅទីក្រុងកូឡាឡាំពួរ ក្នុងពហុកីឡដ្ឋានជាតិ Bukit Jalil វេលាម៉ោង៨:០០នាទីយប់ ខណ:ក្រុមជម្រើសជាតិ អាហ្វហ្គានីស្ថាន ប៉ះ វៀតណាម នៅទីក្រុង Ho Chi Minh ក្នុងកីឡដ្ឋាន Thong Nhat វេលាម៉ោង៧:០០នាទីយប់។
ក្រោយបញ្ចប់ការប្រកួតមិត្តភាពកម្តៅសាច់ដុំ ក្រុមជម្រើសជាតិ ហុងកុង នឹងត្រូវជួបជាមួយ អាហ្វហ្គានីស្ថាន ក្នុងការប្រកួតបើកឆាកនៃវគ្គជម្រុះជើងឯកប្រចាំទ្វីបអាស៊ី 2023 AFC Asian Cup ជុំទី៣ នៅប្រទេសឥណ្ឌា ក្នុងកីឡដ្ឋាន Vivekananda Yuba Bharati Krirangan ក្នុងទីក្រុង Kolkata នៅថ្ងៃទី៨ ខែមិថុនា ខាងមុខ៕
