គណៈកម្មាធិការជាតិរៀបចំការបោះឆ្នោត បង្កើតឡើងដោយច្បាប់ស្ដីពីការបោះឆ្នោតជ្រើសតាំងតំណាងរាស្ត្រ ដែលត្រូវបានប្រកាសឱ្យប្រើ ក្នុងឆ្នាំ១៩៩៧។ នៅឆ្នាំ២០១៤ គ.ជ.ប បានក្លាយទៅជាស្ថាប័នដែលមានចែងក្នុងជំពូកទី ១៥ ថ្មី (ពីរ) នៃរដ្ឋធម្មនុញ្ញ និងមានសមត្ថកិច្ចរៀបចំ ចាត់ចែង និងគ្រប់គ្រងការបោះឆ្នោតជ្រើសតាំងសមាជិកព្រឹទ្ធសភា ការបោះឆ្នោតជ្រើសតាំងតំណាងរាស្ត្រ ព្រមទាំងការបោះឆ្នោតផ្សេងទៀតតាមការកំណត់នៃច្បាប់ ដោយផ្អែកតាមច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោតដែលបានប្រកាសឱ្យប្រើក្នុងឆ្នាំ២០១៥ ។
ខាងក្រោមនេះ គឺជាសមាសភាពថ្នាក់ដឹកនាំ គ.ជ.ប ទាំង៩រូប និងបាវចនា គ.ជ.ប ដែលគេហទំព័រត្រយង បានដកស្រងចេញពីឯកសារផ្លូវការរបស់ គ.ជ.ប។
សមាសភាពថ្នាក់ដឹកនាំទាំង៩រូបរបស់ គ.ជ.ប រួមមាន៖
១. ឯកឧត្តម ប្រាជ្ញ ចន្ទ ប្រធាន គ.ជ.ប
២. ឯកឧត្តម នុត សុខុម អនុប្រធាន គ.ជ.ប
៣. ឯកឧត្តម មាន សទិ សមាជិក គ.ជ.ប
៤. ឯកឧត្តម ឌឹម សុវណ្ណារុំ សមាជិក គ.ជ.ប
៥. ឯកឧត្តម ឌុច សុន សមាជិក គ.ជ.ប
៦. ឯកឧត្តម ហ៊ីង ធីឫទ្ធិ សមាជិក គ.ជ.ប
៧. ឯកឧត្តម ឯម សូផាត សមាជិក គ.ជ.ប
៨. ឯកឧត្ដម ហ៊ែល សារ៉ាត់ សមាជិក គ.ជ.ប
៩. ឯកឧត្តម ហង្ស ពុទ្ធា សមាជិក គ.ជ.ប
ដោយឡែកបាវចនារបស់ គ.ជ.ប គឺឯករាជ្យ អព្យាក្រឹត សច្ចៈ យុត្តិធម៌ តម្លាភាព។ គ.ជ.ប ត្រូវអនុវត្តសមត្ថកិច្ចរបស់ខ្លួន ដោយឯករាជ្យ និងអព្យាក្រឹត ដើម្បីធានាឱ្យការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាមគោលការណ៍នៃលទ្ធិប្រជាធិបតេយ្យសេរី ពហុបក្ស។ សមាជិកទាំងឡាយនៃ គ.ជ.ប និងសមាជិក នៃគណៈកម្មការរៀបចំបោះឆ្នោតគ្រប់លំដាប់ថ្នាក់ ត្រូវមានជំហរអព្យាក្រឹតឥតលម្អៀងក្នុងការអនុវត្តការងារបោះឆ្នោត៕