នៅក្នុងសប្ដាហ៍ទី៥នៃកម្មវិធីប្រកួតលំដាប់ថ្នាក់អន្តរជាតិ Cambodian Idol រដូវលកាលទី៤ បានបង្ហាញវត្តមានបេក្ខជនដែលមានសមត្ថភាពសំឡេងពីរោះៗ និងទាក់ទាញជាបន្តបន្ទាប់គ្នាមិនខុសពីសប្ដាហ៍មុនៗប៉ុន្មានឡើយ។ ក្នុងនោះបេក្ខជនមួយរូបគឺ នាង ដាវីន ដែលធ្លាប់ជាតារាចម្រៀង Cover ធ្លាប់មានការគាំទ្រច្រើនលើ Youtubeហាក់មានសន្ទុះនៃការចាប់អារម្មណ៍ច្រើនពីសំណាក់ទស្សនិកជន។
នាយប់ថ្ងៃទី៥ មិថុនា ឆ្នាំ២០២២ ម្សិលមិញនេះ បេក្ខជន នាង ដាវីន ដែលជាអតីតមិត្តរួមក្រុមចម្រៀង Arom Music ជាមួយនឹងចែសារ៉ុង កញ្ញា មាស នីតា ក៏បានបង្ហាញវត្តមានចូលប្រកួតក្នុងកម្មវិធីលំដាប់ថ្នាក់ពិភពលោករបស់ទូរទស្សន៍ហង្សមាសដែរ។
បេក្ខជនដែលមានរូបសម្បត្តិស្អាតបាតរូបនេះបានលើកយកបទចម្រៀងដែលជាសំនៀងដើមរបស់ឧកញ៉ា ព្រាប សុវត្ថិ គឺបទ «ថ្ងៃបាក់រសៀល» មកប្រកួតប្រជែងនៅក្នុងកម្មវិធី រហូតធ្វើឱ្យគណៈកម្មការទាំង៤រូបផ្ដល់ Yes ទាំងអស់គ្នា ជួយឱ្យលោកបានឡើងទៅកាន់វគ្គបន្ទាប់ទៀត។
បើក្រឡេកមើលទៅមតិអ្នកទស្សនាកម្មវិធីបានបញ្ចេញមតិចំពោះបេក្ខជនរូបនេះជាលក្ខណៈវិជ្ជមានថា៖ «ច្រៀងពីរោះណាស់អូន, ធ្វើបានល្អប្អូនប្រុស គ្រាប់ពេជ្រហង្សមាសម្នាក់ទៀតហើយ, សំឡេងគាត់ពីរោះខ្លាំងណាស់ យកចំបទដែលខ្ញុំស្រលាញ់ មកច្រៀងទៀត កាន់តែធ្វើឱ្យខ្ញុំកាន់តែចង់ស្ដាប់»។
ចង់ដឹងថាតើបេក្ខជន នាង ដាវីន ពីរោះដល់កម្រិតណានោះ ទស្សនាវីដេអូខាងក្រោម៖
