ភ្នំពេញ៖ អគ្គិភ័យឆេះឃ្លាំងស្តុកទំនិញគ្រឿងអគ្គីសនីមួយកន្លែងយ៉ាងសន្ធោសន្ធៅបង្កការភ្ញាក់ផ្អើលយ៉ាងខ្លាំងដល់រថយន្តពន្លត់អគ្គិភ័យជាច្រើនគ្រឿងចេញជួយបាញ់ពន្លត់អស់រយៈពេលជាច្រើនម៉ោង។
ហេតុការណ៍គ្រោះអគ្គិភ័យឆេះឃ្លាំងស្តុកគ្រឿងអគ្គីសនីបានកើតឡើងនៅវេលាម៉ោង ០៥:០០ នាទីល្ងាច ថ្ងៃទី០៩ ខែមិថុនា ឆ្នាំ២០២២ ស្ថិតនៅផ្លូវ៤៤៦ ភូមិ៥ សង្កាត់ទូលទំពូង១ ខណ្ឌចំការមន រាជធានីភ្នំពេញ ។
សមត្ថកិច្ចបានអោយដឹងថា ម្ចាស់ទីតាំងទី១ ឈ្មោះ វ៉ូ ធីតា ភេទ ស្រី អាយុ ៣៥ ឆ្នាំ មុខរបរ ម្ចាស់ឃ្លាំង ។ម្ចាស់ទីតាំងទី២ ឈ្មោះ សម្បតិ្ត កល្យាណ អាយុ ៤០ ឆ្នាំ មុខរបរ ម្ចាស់ឃ្លាំង ។ អគ្គិភ័យឆាបឆេះប្រភេទសំណង់: ថ្មីប្រក់ស័ង្កសី ទំហំ ១៥ម៉ែត្រ x ២៥ម៉ែត្រ ខូចខាតសម្ភារៈឆេះគ្រឿងអគ្គិសនីក្នុងឃ្លាំងអស់ទាំងស្រុង ចំពោះ មូលហេតុដែលបណ្ដាលអោយឆាបឆេះសមត្ថកិច្ចកំពុងបន្តការស្រាវជ្រាវ ។
ក្នុងប្រត្តិបត្រការណ៍ពន្លត់អគ្គិភ័យខាងលើកងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រេីប្រាស់រថយន្តការិយាល័យអគ្គិភ័យ : ចំនួន ២០ គ្រឿង ប្រើប្រាស់ទឹកអស់ ១០០ រថយន្ត ស្មើរនឹង ៤០០ ម៉ែត្រគូប ។
រថយន្តជំនួយអន្តរាគមន៍: ក្រសួងមហាផ្ទៃចំនួន ០៣ គ្រឿង ប្រេីប្រាស់ទឹកអស់ ០៦ រថយន្ត ។ រថយន្តទីក្រុងអូឡាំព្យា ចំនួន ០២ គ្រឿង ប្រើប្រាស់ទឹកអស់ចំនួន ០៤ រថយន្ត ។រថយន្តក្រុមហ៊ុន OCIC ទីក្រុងកោះពេជ្រចំនួន ០៣ គ្រឿង ប្រើប្រាស់អស់ចំនួន ០៦ រថយន្ត ។ រថយន្តអាវុធហត្ថរាជធានីភ្នំពេញចំនួន ០៣ គ្រឿង ប្រើប្រាស់ទឹកអស់ ០៦ រថយន្ត រថយន្តក្រុមហ៊ុនកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០២ រថយន្ត ។រថយន្តបុរីប៉េងហួតចំនួន ០៣ គ្រឿង ប្រើប្រាស់អស់ ចំនួន០៦ រថយន្ត ។
ពន្លត់ចប់: នៅវេលាម៉ោង ១០:០០ នាទីយប់ នាថ្ងៃខែឆ្នាំដដែល ក្នុងហេតុការណ៍ពន្លត់អគ្គិភ័យខាងលើនេះដែរបណ្ដាលអោយមនុស្សម្នាករងរបួស៕
អត្ថបទ៖ សេង សាវី