ប្រទេសនៅតំបន់អាស៊ីកណ្ដាល នឹងជាអតីតសហភាពសូវៀត គឺប្រទេស តួកមេនីស្ថាន (Turkmenistan) ត្រូវបានចាត់ទុកថា ជាប្រទេសដែលរងនឹងអាកាសធាតុក្ដៅបំផុតមិនធ្លាប់មាន ខណៈប្រទេសចំនួន ២ ទៀតក៏បានប្រកាសពីការកើនឡើងកម្ដៅដែរ។
ទីក្រុង Uchadzhi នៃប្រទេស តួកមេនីស្ថាន (Turkmenistan) បានកត់ត្រាថ្ងៃក្ដៅបំផុតក្នុងប្រវត្តិសាស្រ្តអាស៊ីកណ្ដាល ខណៈខ្លួនបានជួបប្រទះនឹងអាកាសធាតុក្ដៅកម្រិត ៤៨.២អង្សាសេ នៅក្នុងខែ មិថុនា ឆ្នាំ ២០២២នេះ។ ដោយកាលពីឆ្នាំ ១៩៧៧ ទីក្រុងនេះធ្លាប់ជួបប្រទះនឹងអាកាសធាតុក្ដៅកម្រិត ៤៨អង្សាសេ។
ចំណែកឯប្រទេសអតីតសហភាពសូវៀត ២ប្រទេសទៀតដូចជាប្រទេស Uzbekistan និង Tajikistan ក៏បានកត់ត្រាពីការកើនឡើងកម្ដៅផងដែរ។ ដោយប្រទេស Uzbekistan បានជួបប្រទះនូវសីតុណ្ហភាព ៤៥.៨អង្សាសេ ហើយ Tajikistan ក៏បានកត់ត្រាកម្ដៅក្ដៅកម្រិត ៤៦.អង្សាសេ។
សូមជម្រាបថា ការកើនឡើងកម្ដៅ កំពុងតែក្លាយជាការព្រួយបារម្ភសម្រាប់បណ្ដាប្រទេសនានានៅជុំវិញពិភពលោក ខណៈដែលប្រទេសជាច្រើនបានជួបប្រទះនូវការប្រែប្រួលអាកាសធាតុមិនធ្លាប់មាន៕
