បាត់ដំបង៖ ជម្លោះក្នុងគ្រូសារ បណ្តាលឲ្យបុរសជាប្តីយកកាំបិតកាប់ទៅលើប្រពន្ធខ្លួន រងរបួសធ្ងន់ត្រូវបញ្ជូនទៅសង្រ្គោះនៅមន្ទីពេទ្យ ករណីនេះបានកើតឡើង កាលពីថ្ងៃទី២៨ ខែ មិថុនា ឆ្នាំ២០ ២២វេលាម៉ោង១៨និង៣០នាទីក្នុងលំនៅរបស់ជនរងគ្រោះ ស្ថិតនៅក្រុមទី០៩ភូមិសំរោងក្នុង ឃុំសំរោងក្នុង ស្រុកឯកភ្នំ ខេត្តបាត់ដំបង។
តាមប្រព័ត៌មានបានឲ្យដឹងថា នៅថ្ងៃកើតហេតុបុរសជាប្តី បានប្រើកាំបិតកាប់ទៅលើស្រ្តីជាប្រពន្ធ ឈ្មោះសឿត ចត្ថា អាយុ៣៥ឆ្នាំ បណ្តាលឱ្យរងរបួសជាច្រើនកន្លែង និងត្រូវបានអ្នកជិតខាងនាំយកទៅសង្រ្គោះនៅមន្ទីរពេទ្យភ្លាមៗ។
ក្រោយកើតហេតុ សមត្ថកិច្ចនគរបាលស្រុកឯកភ្នំ ដែលមានលោកវរសេនីយ៍ឯកឡុងយោ ធាវីរៈ ជាអធិការនគរបាល ស្រុកឯកភ្នំបានដឹកកម្លាំងផ្នែកជំនាញ ចុះឃាត់ខ្លួនជនសង័្សយឈ្មោះជាប្តីមកធ្វើការ សាកសួរនិងស្រាវជ្រាវបន្ត។ ហើយនៅថ្ងៃទី៣០ ខែ មិថុនាឆ្នាំ២០២២ សមត្ថកិច្ចនគរបាលស្រុកឯកភ្នំ បានបញ្ជូនខ្លួនជនសង័្សយ ជាប្តីមកកាន់ការិយាល័យជំនាញដើម្បីកសាងសំណុំរឿងចាត់ការបន្តតាមផ្លូវច្បាប់៕
អត្ថបទ៖ ភ្នាក់ងារភ្នំពេញ
