នៅថ្ងៃអង្គារ ទី១៣ ខែកញ្ញា ឆ្នាំ២០២២ តាមការគ្រោងទុកក្រុមជម្រើសជាតិកម្ពុជាទាំងឈុតធំ និងឈុតអាយុក្រោម២៣ឆ្នាំ នឹងប្រមូលផ្ដុំដើម្បីតេស្តកម្លាំងអំណត់ 30-15 FT ហើយកីឡាករទាំងអស់ត្រូវមានសមត្ថភាពរត់យ៉ាងហោច ២០,៥ គីឡូម៉ែត្រក្នុងមួយម៉ោង។
ក្នុងនោះផងដែរលោក Keisuke Honda បានបង្ហោះលើគណនីហ្វេសប៊ុកដូច្នេះថា៖«ថ្ងៃនេះសំខាន់ណាស់សម្រាប់ក្រុមជម្រើសជាតិកម្ពុជា (It’s very an important day for Cambodian national team today)»។
បើយោងតាមការបញ្ជាក់របស់លោក ភា សុភ័ត្រា គ្រូជំនួយក្រុមជម្រើសជាតិបានឲ្យដឹងថា ខ្សែប្រយុទ្ធ Nick Taylor គឺជាកីឡាករតែម្នាក់គត់ដែលជាប់តេស្តកម្លាំងអំណត់ 30-15 IFT ដោយស្វ័យប្រវត្តិ ក្រោយមានការយោគយល់ពីសហព័ន្ធកីឡាបាល់ទាត់កម្ពុជា ដោយសារកត្តាធ្វើដំណើរផ្លូវឆ្ងាយ បូករួមការប្រមូលផ្តុំកីឡាករមិនចំថ្ងៃ FIFA Day។
តើអ្វីជាការធ្វើតេស្ត 30-15 IFT?
30-15 IFT គឺជារបៀបរត់កម្លាំងអំណត់ (30-15 Intermittent Fitness Test) របស់ក្រុមជម្រើសជាតិកម្ពុជា ដែលទាមទារអោយកីឡាករទាំងអស់ធ្វើអោយបានកម្រិតល្បឿន ២០.៥ (ឬនិយាយបានថា២០.៥ម៉ែត្រ/១ម៉ោង)។ កម្មវិធីរត់កម្លាំងអំណត់នេះកំពុងពេញនិយមក្នុងការធ្វើតេស្តកម្លាំងកីឡាករក្នុងរដូវកាលត្រៀម (Pre-Season) នៅបណ្តាលក្លិបជុំវិញពិភពលោក ឬ ក្រុមជម្រើសជាតិមួយចំនួន៕